Patimat Bəhəmmədova

Patimat Aydəmirməhəmmədovna Bəhəmmədova (6 avqust 1993, Mahaçqala) — Azərbaycanı təmsil edən qadın güləşçi.[1]

Patimat Bəhəmmədova
Şəxsi məlumatlar
Tam adı Patimat Bəhəmmədova
Vətəndaşlığı Rusiya Rusiya →
Azərbaycan Azərbaycan
Doğum tarixi (30 yaş)
Doğum yeri Mahaçqala, Rusiya
Boyu 155 sm. (5 ft 6 in)
İdman növü Güləş
Karyera illəri 2003—2016
Məşqçisi Məhəmməd Əliömərov
Medallar
Dünya Çempionatı
Bürünc 2011 İstanbul -51 Kq.
Avropa Çempionatı
Bürünc 2013 Tbilisi -48 Kq.

Karyerası

[redaktə | mənbəni redaktə et]

Patimat Bəhəmmədova 2008-ci ildə Latviyanın Dauqavpils şəhərində yeniyetmələr arasında Avropa Çempionatını gümüş medalla başa vurdu.[1] 2010-cu ildə Azərbaycan Güləş Federasiyası (AGF) tərəfindən Patimat Bəhəmmədova qadın güləşi üzrə Azərbaycan yığmasının heyətinə cəlb edildi.[1]

Patimat Bəhəmmədova 2010-cu ildə Bolqarıstanda yeniyetmələr arasında Avropa Çempionatının bürünc medalına sahib oldu.[1] Həmin ilin avqustunda isə Patimat Bəhəmmədova Sinqapurda baş tutan Yeniyetmələrin I Yay Olimpiya Oyunlarında mübarizə apardı.[2] -52 Kq. turnirində mübarizə aparan Patimat Bəhəmmədova qrup mərhələsinin birinci görüşdə Əlcəzair nümayəndəsi Sabrina Azzuz ilə üz-üzə gəldi.[3] Həmin görüşdə Patimat Bəhəmmədova rəqibinə qalib gəldi — 2:0 (7:0, 6:0).[3] Növbəti görüşdə isə onun rəqibi Özbəkistan nümayəndəsi Nilüfər Qadayeva oldu.[3] Bu görüşdə Patimat Bəhəmmədova rəqibi üzərində təmiz qələbə qazandı.[3] Qrup mərhələsinin sonuncu görüşündə isə Patimat Bəhəmmədova Quam nümayəndəsi Arianna Estaquo ilə üz-üzə gəldi və rəqibinə 2:0 (6:0, 7:0) hesabı ilə qalib gəldi. Bununla da Patimat Bəhəmmədova qrup mərhələsini birinci pillədə başa vurdu və Sinqapur Olimpiadasının final görüşnə vəsiqə qazandı.[3] Həlledici görüşdə onun rəqibi Çin nümayəndəsi Yuan Yuan oldu.[3] Gərgin idman mübarizəsi şəraitində baş tutan final görüşündə də qalib gələn tərəf Patimat Bəhəmmədova oldu — 2:0 (4:2, 1:1).[3] Bununla da Patimat Bəhəmmədova Yeniyetmələrin I Yay Olimpiya Oyunlarının qızıl medalına sahib oldu.[1][3] Həmin ilin sentyabrında Patimat Bəhəmmədova Rusiyada Dünya Çempionatında mübarizə apardı və debüt Dünya Çempionatını beşinci pillədə başa vurdu.[1]

2011-ci ildə İsveçdə Klippan Lady Openi bürünc medalla, Serbiyada isə gənclər arasında Avropa Çempionatını gümüş medalla başa vuran Patimat Bəhəmmədova 2011-ci ilin sentyabrında İstanbul şəhərində baş tutan Dünya Çempionatının bürünc medalına sahib oldu.[1] 2012-ci ildə Kiyev şəhərində Kiyev Turnirinin qalibi, Almaniyada isə Almaniya Qran-Prisinin bürünc medalına sahib olan Patimat Bəhəmmədova iyunda Xorvatiyada gənclər arasında Avropa Çempionatını gümüş medalla başa vurdu.[1] Həmin ilin sentyabrında Patimat Bəhəmmədova həm də Kanadada Dünya Çempionatını beşinci pillədə başa vurdu.[1]

Patimat Bəhəmmədova 2013-cü ildə ərzində Bolqarıstanda D. Kolov - N. Petrov Turnirinin və KYRM-da gənclər arasında Avropa Çempionatının qızıl medallarına sahib oldu.[1] Həmin il Patimat Bəhəmmədova həm də Tbilisi şəhərində (Gürcüstan) baş tutan Avropa Çempionatını bürünc medalla, Kazan şəhərində (Rusiya) baş tutan Universiada Oyunlarını isə gümüş medalla başa vurdu.[1]

2014-2016-cı illərdə beynəlxalq turnirlərdə ciddi uğurlara imza ata bilməyən Patimat Bəhəmmədova 2016-cı ildə idmanla vidalaşdı.[1]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
Rusiya Rusiya
1
2008
 Yeniyetmələrin Avropa Çempionatı Latviya Latviya
2.
Azərbaycan Azərbaycan
2
2010
 Gənclərin Avropa Çempionatı Bolqarıstan Bolqarıstan
3.
3
 Yeniyetmələrin Olimpiya Oyunları Sinqapur Sinqapur
1.
4
 Dünya Çempionatı Rusiya Rusiya
5.
5
2011
 Klippan Lady Open İsveç İsveç
3.
6
 Gənclərin Avropa Çempionatı Serbiya Serbiya
2.
7
 Gənclərin Dünya Çempionatı Macarıstan Macarıstan
8.
8
 Dünya Çempionatı Türkiyə Türkiyə
3.
9
2012
 Kiyev Turniri Ukrayna Ukrayna
1.
10
 Avropa Çempionatı Serbiya Serbiya
5.
11
 Almaniya Qran-Prisi Almaniya Almaniya
3.
12
 Gənclərin Avropa Çempionatı Xorvatiya Xorvatiya
2.
13
 Gənclərin Dünya Çempionatı Tailand Tailand
7.
14
 Dünya Çempionatı Kanada Kanada
5.
15
2013
 D. Kolov - N. Petrov Turniri Bolqarıstan Bolqarıstan
1.
16
 A. Medvedv Turniri Belarus Belarus
5.
17
 Avropa Çempionatı Gürcüstan Gürcüstan
3.
18
 Gənclərin Avropa Çempionatı Şimali Makedoniya KYRM
1.
19
 Universiada Oyunları Rusiya Rusiya
2.
20
 Gənclərin Dünya Çempionatı Bolqarıstan Bolqarıstan
5.
21
2014
 Klippan Lady Open İsveç İsveç
14.
22
 Avropa Çempionatı Finlandiya Finlandiya
5.
23
 Qızıl Qran-Pri Azərbaycan Azərbaycan
5.
24
2015
 U23 Avropa Çempionatı Polşa Polşa
10.
25
2016
 Qızıl Qran-Pri Azərbaycan Azərbaycan
8.

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 12 International Wrestling Database. "PATIMAT BAGOMEDOVA". www.iat.uni-leipzig.de (ingilis). 2022-08-04. 2022-05-15 tarixində arxivləşdirilib. İstifadə tarixi: 04.08.2022.
  2. ↑ Azerisport.com idman portalı. "Патимат Багомедова начнет с алжирки". www.azerisport.com ( (rus.)). 01.11.2022. 2022-10-31 tarixində arxivləşdirilib. İstifadə tarixi: 01.11.2022.
  3. ↑ 1 2 3 4 5 6 7 8 Azerisport.com idman portalı. "Патимат Багомедова приносит Азербайджану третье «золото» Олимпиады (ОБНОВЛЕНО)". www.azerisport.com ( (rus.)). 01.11.2022. 2022-10-31 tarixində arxivləşdirilib. İstifadə tarixi: 01.11.2022.