"Qlobal" TV – Azərbaycanda fəaliyyət göstərən azərbaycandilli dini peşəkar internet televiziya kanalı.
Qlobal TV | |
---|---|
| |
Ölkə | Azərbaycan Respublikası |
Dil | Azərbaycan dili |
Yaranma tarixi |
2014 (I) 2023 (II) |
Bağlanma tarixi | 2018 (I) |
Sahibi | Emin Səmədov[1][2] |
Sayt | qlobal.tv |
Azərbaycanın ilk dini peşəkar televiziya kanallarından olan Qlobal TV 1-ci dəfə 2014–2018-ci illərdə fəaliyyət göstərib.[3] 2018-ci ildə fəaliyyətini dondurduqdan sonra 2022-ci ilin aprelində 2023-cü ilin yanvarında yenidən fəaliyyətə başlayacağı açıqlanıb.[4] 2022-ci ilin dekabrında kanalda texniki işlərin həll edildiyi və yanvarda fəaliyyətə başlamağa tam hazır olduğu bildirilib.[5][6] 13 yanvar 2023-cü ildə yayımlanan "Allaha Doğru" verilişi ilə kanal 4-5 illik fasilədən sonra öz fəaliyyətini tam bərpa edib.[7]
2014-cü ildə fəaliyyətə başlayan Qlobal TV-nin qısa müddət sonra 5 verilişi TürkSat vasitəsilə yayımlanan Türkiyənin ümumrespublika televiziya kanalı olan "Kanal ON4"-də efirə verilmişdir. Qlobal TV-nin Kanal ON4-də yayımlanan verilişləri: "Hidayət Çırağı", "Zərif Dəqiqələr", "Olduğu Kimi", "Tanıt Azərbaycanı" və "Söz İçində Söz".
Qlobal TV-nin rusdilli auditoriya üçün nəzərdə tutulmuş "Мыcли вслух" (azərb. Səsli düşüncə) verilişi isə peyk vasitəsilə yayımlanan və Rusiyada fəaliyyət göstərən televiziya kanalında efirə getmişdir.
2018-də fəaliyyətini dayandıran 2023-də isə yenidən fəaliyyətə başlayan Qlobal TV-nin hal-hazırda 3 verilişi ON4 TV-də yayımlanır: "Zərif Dəqiqələr"[8], "Tanıt Azərbaycanı"[9] və "Misra" verilişi.[10]