Saya Hiyama

Saya Hiyama (檜山沙耶, Hiyama Saya?, 27 oktyabr 1993, Mito) – Yaponiya aparıcısı, diktoru və təbii fəlakətlərin qarşısının alınması mütəxəssisi. Aparıcılıq etdiyi hava proqnozu verilişlərindəki çıxışlarına görə məşhur olmuşdur. Yaponiyanın "hava idolu", eləcə də, "Yaponiyanın hava kraliçası" kimi tanınır.[1]

Saya Hiyama
Ləqəbi "Osaya", "Sayaçi"
Doğum tarixi 27 oktyabr 1993(1993-10-27) (31 yaş)
Doğum yeri
Təhsili
  • Rikkyo Universiteti[d]
Fəaliyyəti hava proqnozu aparıcısı[d], diktor

İlk illəri

[redaktə | mənbəni redaktə et]

Saya Hiyama 27 oktyabr 1993-cü ildə İbaraki prefekturasının Mito şəhərində doğulmuşdur.[2] Bir müsahibəsində uşaqlığında hava proqnozu izləməyi sevdiyini bildirmişdir.[3] İbaraki xristian orta məktəbini bitirdikdən sonra Rikkyo Universitetinin İqtisadiyyat fakültəsinə daxil olmuş, beynəlxalq mühasibatlıq üzrə təhsil almışdır.[4]

Karyerası

[redaktə | mənbəni redaktə et]

Hiyama universiteti bitirdikdən sonra bir mühasibatlıq şirkətində, daha sonra film studiyasında işləməyə başlamışdır. O, səs aktrisası olmağı arzulasa da, birlikdə işlədiyi seyyu Mayumi Tanaka ona aparıcılığı tövsiyə etmiş və o, hava proqnozu aparıcısı olmağa qərar vermişdir.[5] 2018-ci ilin oktyabrında Yui Komaki ilə birlikdə "Weathernews" kanalına qoşulmuş,[6] 8 noyabr 2018-ci ildə "Weathernews Live Coffee Time" verilişində hava proqnozu aparıcısı kimi debüt etmişdir.[5] 2020-ci ilin sentyabrında "Weathernews Live Moon" verilişinə keçmişdir. 15 mart 2024-cü ildə verilişdən ayrılacağını açıqlamışdır.[7] 30 mart 2024-cü ildə baş tutan sonuncu hava proqnozu verilişini eyni anda 23.000-dən çox izləyici izləmişdir.[8] 10 may 2024-cü ildə "B4ND" mesajlaşma tətbiqinə qoşulmuşdur.[9]

Saya Hiyama həm xarici görkəmi, həm hobbiləri, həm də hava proqnozu verilişindəki çıxışları səbəbilə izləyicilər arasında böyük populyarlıq əldə etmişdir. O, fanatlar arasında "Osaya" və "Sayaççi" ləqəbləri ilə tanınır.[3] Verilişdəki bir sıra anları və reaksiyaları viral olmuşdur. 2021-ci ildə bir verilişdə şoqi haqqında olan pozitiv söhbətdən zəlzələ xəbərinə ciddi keçidi internetdə viral olmuş, bu anı əks etdirən video YouTube-da 16,8 dəfə izlənmişdir.[10] 2021-ci ildə axşam verilişində səhvən "sabahınız xeyir" deməsi və səhvinə utanaraq verdiyi reaksiya viral olmuş, bu anları əks etdirən video YouTube-da 2,1 milyon dəfə izlənmişdir.[1] 2022-ci ildə Yaponiyada "Oricon" tərəfindən 3000 izləyici arasında keçirilmiş "Ən populyar hava proqnozu verilişi aparıcıları" anketində 2-ci yeri tutmuşdur. 2023-cü ildəki eyni ankretdə isə 1-ci yerdə göstərilmişdir.[11] O, 5 iyun 2024-cü ildə öz YouTube kanalını açmışdır. Heç bir video paylaşmadığı halda ilk iki gün ərzində 10.000-dən çox şəxs kanalına abunə olmuşdur.[12]

Şəxsi həyatı

[redaktə | mənbəni redaktə et]

Hiyama anime və manqa fanatıdır və özünü otaku hesab edir. O, verdiyi bir müsahibədə hava proqnozu aparıcısı olduqdan sonra "Hava övladı" və "Söz bağçası" kimi yağışdan bəhs edən animeləri daha çox bəyəndiyini açıqlamışdır. O, "Pokemon", "Atelier Sophie" və "Legend of Zelda" videooyun seriyalarını oynadığını bildirmişdir.[5] "Pokemon" fanatı kimi tanınan Hiyama 2022-ci ilin sentyabrında "Weathernews" ilə "Pokemon" arasında baş tutan ortaq layihədə iştirak etmişdir.[13] O, liseydə oxuduğu dövrdən etibarən kospleylə məşğul olur.[5] Fanatları tərəfindən "Spy × Family" animesinin personajı Yor Forgerə oxşadıldığı üçün 2022-ci ildə həmin personajın kospleyini etmişdir.[14]

2022-ci ilin yanvarında "Göy an" adlı bioqrafik esse kitabını nəşr etdirmişdir.[5] 15 sentyabr 2022-ci ildə İbaraki prefekturasının səfiri adına layiq görülmüşdür.[2] O, 6 iyun 2023-cü ildə peşəkar tennisçi Yoşihito Nişioka ilə sevgili olduğunu açıqlamışdır.[8]

İstinadlar

[redaktə | mənbəni redaktə et]
  1. ↑ 1 2 "Japan's 'weather queen' goes viral after a bizarre gaffe during her evening bulletin - and her reaction is priceless". Daily Mail (ingiliscə). 26 noyabr 2021. 2024-07-20 tarixində arxivləşdirilib. İstifadə tarixi: 23 oktyabr 2024.
  2. ↑ 1 2 "令和4年度「いばらき大使」の委嘱について". İbaraki prefekturasının rəsmi saytı (yaponca). 12 oktyabr 2022. 19 fevral 2023 tarixində arxivləşdirilib. İstifadə tarixi: 23 oktyabr 2024.
  3. ↑ 1 2 "日本の天気番組が海外で大人気　お天気キャスター・檜山沙耶の魅力は"素"の表情". Encount (yaponca). 14 may 2022. İstifadə tarixi: 23 oktyabr 2024.
  4. ↑ "気象キャスター檜山沙耶がプロテニス西岡良仁との交際明かす「お互いを思いやり高め合いながら」". Nikkan Sports (yaponca). 6 iyul 2023. 2023-07-11 tarixində arxivləşdirilib. İstifadə tarixi: 23 oktyabr 2024.
  5. ↑ 1 2 3 4 5 "気象キャスター・檜山沙耶インタビュー「オタ活（趣味）は生きる糧。失敗しても帰れる場所があると頑張れる場面がたくさんあります」". Townwork (yaponca). 27 iyun 2022. 20 iyun 2024 tarixində arxivləşdirilib. İstifadə tarixi: 23 oktyabr 2024.
  6. ↑ "新・お天気キャスター2名が決定！ウェザーニュースLiVEに出演中". Weathernews (yaponca). 19 oktyabr 2018. 28 may 2024 tarixində arxivləşdirilib. İstifadə tarixi: 23 oktyabr 2024.
  7. ↑ "ウェザーニュース檜山沙耶キャスターが３月末に退職　ＳＮＳは継続「いい仲間に恵まれて感謝しかございません」". Sanspo (yaponca). 16 mart 2024. 27 mart 2024 tarixində arxivləşdirilib. İstifadə tarixi: 23 oktyabr 2024.
  8. ↑ 1 2 "ウェザーニューズ」退社の檜山沙耶　ラスト出演で号泣「5年半楽しいひと時」　同時接続数2万3千人超え". Sponichi (yaponca). 20 mart 2024. 10 aprel 2024 tarixində arxivləşdirilib. İstifadə tarixi: 23 oktyabr 2024.
  9. ↑ "元ウェザーニュースキャスター檜山沙耶さんが推し活×メッセージアプリ「B4ND」に参加！". Tokyo Tsushin (yaponca). 10 may 2024. 2 iyun 2024 tarixində arxivləşdirilib. İstifadə tarixi: 23 oktyabr 2024.
  10. ↑ "Weather forecaster Saya Hiyama's viral moments say a lot about fame in Japan". The Japan Times (ingiliscə). 17 aprel 2021. 17 aprel 2021 tarixində arxivləşdirilib. İstifadə tarixi: 23 oktyabr 2024.
  11. ↑ "視聴者3000名が選んだ「お天気お姉さん」人気ランキング　2位は"コスプレ趣味"の檜山沙耶、1位は？". Smart Flash (yaponca). 18 iyun 2022. İstifadə tarixi: 23 oktyabr 2024.
  12. ↑ "元お天気キャスター、YouTube開設し反響　動画未投稿で登録者数１万人超え". Nikkan Sports (yaponca). 7 iyun 2024. 2024-06-09 tarixində arxivləşdirilib. İstifadə tarixi: 23 oktyabr 2024.
  13. ↑ "ウェザーニュースの"ポケモンガチ勢お姉さん"こと檜山沙耶さん、ついにポケモンとの公式コラボを実現". Game Watch (yaponca). 2 sentyabr 2022. 2023-10-06 tarixində arxivləşdirilib. İstifadə tarixi: 23 oktyabr 2024.
  14. ↑ "完成度高すぎ！？檜山沙耶キャスター、ついに「SPY×FAMILY」ヨルの本気コス挑戦　「美しすぎて尊い」絶賛相次ぐ". J-Cast (yaponca). 27 iyun 2022. 2023-03-28 tarixində arxivləşdirilib. İstifadə tarixi: 23 oktyabr 2024.

Xarici keçidlər

[redaktə | mənbəni redaktə et]