Tatyana Omelçenko

Tatyana Omelçenko (23 aprel 1994, Krivoy Roq) — 2007–2016-cı illərdə Ukraynanı, 2016-cı ildən isə Azərbaycanı təmsil edən qadın güləşçi.^[1]

Tatyana Omelçenko
Şəxsi məlumatlar
Tam adı	Tatyana Omelçenko
Vətəndaşlığı	Ukrayna → Azərbaycan
Doğum tarixi	23 aprel 1994 (30 yaş)
Doğum yeri	Krivoy Roq, Ukrayna
Boyu	166 sm. (5 ft 6in)
İdman növü	Güləş
Karyera illəri	2007—2022
Məşqçisi	Grigori Şepilev
Medallar Azərbaycan üçün Avropa Çempionatı Bürünc 2017 Serbiya 60 Kq. Bürünc 2018 Rusiya 59 Kq. Bürünc 2019 Rumıniya 62 Kq. Bürünc 2020 İtaliya 62 Kq.

Tatyana Omelçenko birinci uğuruna 2010-cu ildə Bosniya və Herseqovinada baş tutan yeniyetmələr arasında Avropa Çempionatının bürünc medalına sahib olmaqla imza atdı.^[1] 2012-ci ildə Kiyev şəhərində beynəlxalq turniri gümüş medalla başa vuran Tatyana Omelçenko həmin il Belarusda A. Medvdedin xatirəsinə həsr olunan beynəlxalq turnirin bürünc medalına sahib oldu.^[1] Daha sonra Tatyana Omelçenko 2014-cü ildə Fransada Paris Qran-Prisinin qalibi oldu.^[1]

2015-ci ildə Tatyana Omelçenko Polşada U23 Avropa Çempionatını bürünc medalla başa vurdu.^[1] Bir il sonra, 2016-cı ilin yanvarında Tatyana Omelçenko Kiyev şəhərində beynəlxalq turnirin bürünc medalına sahib oldu.^[1] Həmin turnirdən sonra Azərbaycan Güləş Federasiyası (AGF) tərəfindən Tatyana Omelçenko Azərbaycan yığmasının heyətinə cəlb edildi.^[1] Həmin ilin martında Tatyana Omelçenko Bolqarıstanda U23 Avropa Çempionatının qalibi oldu, noyabrda isə Qızıl Qran-Pri beynəlxalq turnirini gümüş medalla başa vurdu.^[1]

Tatyana Omelçenko 2017-ci ildə birinci uğuruna martda Kiyev şəhərində beynəlxalq turnirin qalibi olmaqla imza atdı.^[1] May ayında Tatyana Omelçenko əvvəl Serbiyada baş tutan Avropa Çempionatının bürünc medalına sahib oldu, sonra isə Azərbaycanda IV İslam Həmrəyliyi Oyunlarının qalibi oldu.^[1] Noyabrda Tatyana Omelçenko həm də Polşada U23 Dünya Çempionatını bürünc medalla başa vurdu.^[1]

2018-ci ildə də Tatyana Omelçenko əvvəl fevralda Kiyev şəhərində beynəlxalq turnirin qalibi oldu, sonra isə mayda Rusiyada Avropa Çempionatının bürünc medalına sahib oldu.^[1] Tatyana Omelçenko həm də həmin ilin sentyabrında Belarusda A. Medved beynəlxalq turnirini gümüş medalla başa vurdu.^[1] 2019-cu ildə isə Tatyana Omelçenko apreldə Rumıniyanın Buxarest şəhərində baş tutan Avropa Çempionatında ardıcıl olaraq üçüncü dəfə bürünc medalın sahibi oldu, sentyabrda isə Qazaxıstanın Astana şəhərində Dünya Çempionatını yeddinci pillədə başa vurdu.^[1]

Tatyana Omelçenko 2020-ci ilin yanvarında İstanbul şəhərində Yaşar Doğu beynəlxalq turnirinin gümüş medalına, fevralda isə Roma şəhərində Avropa Çempionatının bürünc medalına sahib oldu.^[1] 2021-ci ildə isə Tatyana Omelçenko martda Macarıstanın Budapeşt şəhərində Avropa Olimpiya Təsnifat Turnirini bürünc medalla başa vurdu və olimpiya lisenziyasını əldə edə bilmədi.^[1]

2022-ci ilin avqustunda Konya şəhərində İslam Həmrəyliyi Oyunlarının bürünc medalına sahib olan Tatyana Omelçenko sentyabrda Belqrad şəhərində Dünya Çempionatını yeddinci pillədə başa vurdu.^[1] 2022-ci ildə idmanla vidalaşdı.^[1]

Sıra İl Yarış Ev sahibi Nəticə Ukrayna 1 2009 Yeniyetmələrin Avropa Çempionatı Serbiya 11. 2 2010 Yeniyetmələrin Avropa Çempionatı Bosniya və Herseqovina 3. 3 2011 Yeniyetmələrin Avropa Çempionatı Polşa 8. 4 2012 Kiyev Turniri Ukrayna 2. 5 A. Medved Turniri Belarus 3. 6 Universiada Oyunları Rusiya 11. 7 2014 Paris Qran-Prisi Fransa 1. 8 D. Kolov - N. Petrov Bolqarıstan 4. 9 Gənclərin Dünya Çempionatı Xorvatiya 15. 10 2015 U23 Avropa Çempionatı Polşa 3. 11 D. Kolov - N. Petrov Turniri Bolqarıstan 3. 12 2016 Kiyev Turniri Ukrayna 3. Azərbaycan 13 2016 U23 Avropa Çempionatı Bolqarıstan 1. 14 Qızıl Qran-Pri Azərbaycan 2. 15 Dünya Çempionatı Macarıstan 18. 16 2017 Kiyev Turniri Ukrayna 1. 17 U23 Avropa Çempionatı Macarıstan 10. 18 Avropa Çempionatı Serbiya 3. 19 İslam Həmrəyliyi Oyunları Azərbaycan 1. 20 Dünya Çempionatı Fransa 22. 21 U23 Dünya Çempionatı Polşa 3.

Sıra İl Yarış Ev sahibi Nəticə 22 2018 Kiyev Turniri Ukrayna 1. 23 Avropa Çempionatı Rusiya 3. 24 A. Medved Turniri Belarus 2. 25 Dünya Çempionatı Macarıstan 18. 26 2019 Avropa Çempionatı Rumıniya 3. 27 Dünya Çempionatı Qazaxıstan 7. 28 2020 Yaşar Doğu Turniri Türkiyə 2. 29 Avropa Çempionatı İtaliya 3. 30 2021 Kiyev Turniri Ukrayna 12. 31 Avropa Olimpiya Təsnifat Turniri Macarıstan 3. 32 Dünya Olimpiya Təsnifat Turniri Bolqarıstan 12. 33 2022 İslam Həmrəyliyi Oyunları Türkiyə 3. 34 Dünya Çempionatı Serbiya 7.