Tez gəl (mahnı)


Tez gəl — azərbaycanlı müğənni Aygün Kazımovanın mahnısıdır. Mahnının müəllifi Xanım İsmayılqızıdır. Mahnı Aygün Kazımovanın "Sevdim" albomuna daxildir. Klip Aygün Kazımovanın müəllifliyi ilə Sankt-Peterburqda lentə alınmışdır. Klipdə Aygün Kazımovanın estetik cərrahiyə zamanı görüntüləri lentə alınmışdır.[1][2]Klipin rejissoru Ülviyyə Könüldür.

sinql
Tez gəl
İfaçı Aygün Kazımova
Albom Sevdim
Yayımlanıb 2001
Janr pop
Dil azərbaycanca
Müddət 04:02
Bəstəkar Xanım İsmayılqızı
Sözlərin müəllifi Xanım İsmayılqızı
Prodüser Aygün Kazımova
" Bir dəfə bir köşə yazarı, "Aygün artıq bizi təəccübləndirmir, özünü təkrarlayır" – deyə yazmışdı. Bu, mənim çox xətrimə dəydi, 5 dəqiqə düşündüm. Prodüserimə zəng elədim, "yanıma gəl" dedim. O, gələndən sonra yeni mahnılara qulaq asmağa başladım.

"Tez gəl" adlı lirik bir mahnı tapdıq. Ardınca da estetik əməliyyat olunmağa qərar verdim. Olduqca ağır bir əməliyyat seçdim. Hətta seçdiyim mahnıya çəkdirəcəyim klipdə əməliyyat prosesindən kadrların salınmasını istədim. Prodüserimi çağırdım, dedim ki, yaradıcı qrupumu topla, Sankt-Peterburqa gedirik.

8 saat davam edən estetik əməliyyat zamanı arxamı və sinəmi kiçiltdim. Əməliyyatdan sonra işçilərim yeni ölçülərimə heyranlıqla baxırdılar. Bakıya gələndən sonra mətbuat konfransı keçirdim. Haqqımda "Aygün daha bizi təəccübləndirmir" deyə, yazan jurnalist qız da mətbuat konfransında idi. İşıqlar söndürüldü, klipin nümayişinə başlandı. Əvvəlcə heç kim nə baş verdiyini anlamadı. Klip başa çatdı, zalda əyləşənlərdən səs çıxmadı. İşıqlar yandırıldı, baxdım ki, kimi ağlayır, kiminin isə hətta ürəyi gedib... Heç kim danışmır. Bununla da hamı şok oldu"

Aygün Kazımovanın Türkiyənin "Hürriyet" qəzetinə verdiyi müsahibəsi zamanı estetik əməliyyatları və klip haqqında[3][4]

İstinadlar[redaktə | mənbəni redaktə et]

  1. ↑ "Plastik əməliyyatla dəyişən azərbaycanlı məşhurlar - Fotolar". 2021-05-10 tarixində arxivləşdirilib. İstifadə tarixi: 2021-05-09.
  2. ↑ ""Gözəlləşmək" üçün əməliyyat masasına uzanan azərbaycanlı məşhurlar-SİYAHI". 2021-05-09 tarixində arxivləşdirilib. İstifadə tarixi: 2021-05-09.
  3. ↑ "Aygün Kazımova: "8 saat davam edən əməliyyat zamanı arxamı və sinəmi kiçiltdim"". 2021-05-09 tarixində arxivləşdirilib. İstifadə tarixi: 2021-05-09.
  4. ↑ "Düet teklifi Snoop Dogg'dan geldi". 2021-05-10 tarixində arxivləşdirilib. İstifadə tarixi: 2021-05-09.

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]