The Voice (Eymar Kuinn mahnısı)

"The Voice" (azərb. Səs‎) — İrlandiyalı ifaçı-bəstəkar Eymar Meri Ros Kuinnə məxsus kelt musiqi janrlı ilahi. Mahnı İrlandiyanı beynəlxalq səhnələrdə böyük uğurla təmsil etmişdir.

""The Voice""
İfaçı Eymar Meri Ros Kuinn
Albom The Heart of Ireland
Yayımlanıb 1996
Dil İngilis

Mahnı

[redaktə | mənbəni redaktə et]

"The Voice" musiqi əsərinin ilahi çalarlarla zəngin sözləri və bəstəsi, məşhur İrlandiyalı musiqiçi Brendan Qrehama məxsusdur. Mahnı bəstəkar tərəfindən ilk dəfə, neo-ənənəvi kelt qrupu "Dərviş"in səsyazmasında təqdim edilsədə, "Anuna" qospel xorunun üzvü olan Eymar Kuinnin ifasında, dünya musiqi tarixinə əvəzedilməz töhfə vermişdir.

Mahnı füsunkar musiqisi və mürəkkəb elmi ifadələri ilə şəxsiyyəti ilahiləşdirir. İfaçı özünü "Ana təbiət" və ya "Kainat" timsalında sadəcə "Səs" olaraq qəbul edir. O, şiddətli küləklərdə payız yarpaqlarının pıçıldayışı, yağmurun, baharın, tənha səhraların, bütün fəsil və iqlimlərin özüdür. Zamansızlıq dəhlizində yox olaraq, keçmiş və gələcəyin sədası olduğunu bildirir. Mahnının sözlərindəki "Mən bütün ağrı və əzabların səsiyəm və səsə(Mənə) sülh gətirin" cümləsi, mükəmməl musiqi əsərinin ruhunu dolğun tərzdə ifadə etməkdədir.

Buraxılış tarixi

[redaktə | mənbəni redaktə et]
Ərazi Tarix Müddət Format Etiket Albom
Dünya üzrə 1996 3:05 CD CNR The Heart of Ireland

Beynəlxalq arenada

[redaktə | mənbəni redaktə et]

"The Voice" mahnısı Eymar Kuinn səsləndirməsində, İrlandiyanın 3 mart 1996-cı il tarixində keçirilən milli seçim yarışmasında iştirak edərək, 7 namizəd əsəri məğlub etmişdir. Bu, mahnının beynəlxalq səhnələrdə səslənməsinə şərait yaratdı.

Avroviziya Mahnı Müsabiqəsi 1996

"The Voice" musiqi əsəri Norveçin mərkəzi şəhəri Osloda keçirilən sayca 41-ci Avroviziya Mahnı Müsabiqəsində İrlandiya bayrağını yükslətmişdir. Mahnı böyük final zamanı, Eymar Kuinn ifasında Belçikadan sonra və Finlandiyadan əvvəl səhnədə 17-ci nömrə altında səsləndirilmiş və beynəlxalq yarışmanın yekun səsvermə nəticələrinə əsasən 162 xal toplayaraq qələbə qazanmışdır.

Mahnı İrlandiyanın milli zərb və simli musiqi alətlərinin canlı müşayiətində,[a] dirijor Noel Kelehan tərəfindən idarə edilmişdir.

Aşağıdakı cədvəldə, "The Voice" musiqi əsərinə təqdim edilən xallar sistemi göstərilmişdir:

Çartlarda

[redaktə | mənbəni redaktə et]
Çart (1996) Zirvə nöqtəsi
Avropa(Eurochart Hot 100)[2] 54
Belçika(Flanders) 9
Belçika(Flanders)[b][3] 94
Belçika(Valoniya) 30
Birləşmiş Krallıq(OCC) 40
İrlandiya(IRMA) 3
İsveç(Sverigetopplistan) 31
Şotlandiya(OCC) 47

Qeydlər

[redaktə | mənbəni redaktə et]
  1. ↑ Müsabiqənin 1999-cu il buraxılışına qədər, hər bir iştirakçı ölkəni, səhnədə canlı orkestr müşayiət etmişdir.
  2. ↑ Bu, il sonu qrafik göstəricisidir.

İstinadlar

[redaktə | mənbəni redaktə et]
  1. ↑ "Results of the Final of Oslo 1996". European Broadcasting Union. 14 April 2021 tarixində arxivləşdirilib. İstifadə tarixi: 14 April 2021.
  2. ↑ "Eurochart Hot 100 Singles" (PDF). Music & Media. 13 cild no. 26. 29 June 1996. səh. 20. 28 September 2021 tarixində arxivləşdirilib (PDF). İstifadə tarixi: 25 June 2018.
  3. ↑ "Jaaroverzichten 1996" (holland). Ultratop. 10 April 2008 tarixində arxivləşdirilib. İstifadə tarixi: 13 December 2020.