Tural Cəlilov (futbolçu)

Tural Cəlilov
Tural Cəlilov
Ümumi məlumatlar
Tam adı	Tural Alim oğlu Cəlilov
Doğum tarixi	28 noyabr 1986 (36 yaş)
Doğum yeri	Xaçmaz, Azərbaycan SSR
Vətəndaşlığı	Azərbaycan
Boyu	170
Çəkisi	66 kq
Mövqeyi	Yarımmüdafiəçi
Əsas ayağı	Sağ
Klub haqqında məlumat
Klub	Premier Quba MFK
Karyerası
Klub karyerası
Milli yığma
	↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 15 Fevral 2020 tarixində redaktə olunub. ; ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 15 Fevral 2020 tarixində redaktə olunub. ;
	Vikianbarda əlaqəli mediafayllar

Tural Alim oğlu Cəlilov (28 noyabr 1986^[1], Xaçmaz) — azərbaycanlı futbolçu.^[2] Mövqeyi yarımmüdafiəçidir. Azərbaycan milli futzal çempionatında çıxış edən "Premier" Quba komandasının üzvüdür.^[3] Azərbaycan milli komandasının keçmiş oyunçusu olmuşdur.^[4]

Həyatı[redaktə | mənbəni redaktə et]

11 yaşında doğma şəhəri Xaçmazda uşaq futbol məktəbində futbol oynamağa başladı. İlk məşqçisi Zöhrab Mahmudov olmuşdur.

"Ədliyyə" (Bakı) və "Gənclərbirliyi" (Sumqayıt) klublarında çıxış edib.

2007-2010-cu illərdə Azərbaycan Premyer Liqa komandasının - "Simurq" (Zaqatala) klubunun heyətinə cəlb olundu.

"APA-Sport" agentliyinin apardığı hesablamaya görə, Tural Cəlilov 2008/2009-cu il mövsümündə, 17-ci Azərbaycan Futbol Çempionatının 26 oyununun hamısında meydançaya çıxan yeganə yerli oyunçu olub.^[5] Cəlilov Zaqatala təmsilçisinin uğuruna 4 qol və 2 ötürməylə töhfə verdi. Xüsusilə ilk dövrədə prinsipial matçda doğma arenada "Karvan"ı 2:0 hesabıyla üstələyən komandasının hər iki qolunun müəllifi olan futbolçunun ulduzu məhz həmin oyundan sonra parladı. Bir müddət sonra Tural Berti Foqtsun da diqqətini çəkərək milliyə çağırıldı.

Bundan başqa, gənc futbolçu çempionatın yekunlarına görə birinciliyin ən yaxşı 5 sol cinah yarımmüdafiəçisindən biridi. Cəlilovun əsas üstünlüyü sürəti və meydanda daim hərəkətdə olmasıdı.

Milli komanda karyerası[redaktə | mənbəni redaktə et]

Azərbaycan milli komandasında debüt 19 noyabr 2008-ci ildə Bakıda, Azərbaycan və Albaniya milli komandaları arasında 1:1 hesablı heç-heçə ilə başa çatan yoldaşlıq oyunu zamanı baş tutub. Albaniyayla görüşün ikinci hissəsində yığmada debüt etmək şansı qazandı. 2009-cu il iyunun 6-da Cəlilov Uels-ə qarşı Dünya çempionatının seçmə oyununda rəsmi debütünü (ehtiyyat oyunçu kimi) keçirdi.^[4]