Yusif Məmmədov (alim)
Yusif Məmmədov (Yusif Əbülfət oğlu Məmmədov; 24 yanvar 1950, Dəstəgird, Sisian rayonu) — Azərbaycan Respublikası Təhsil Nazirinin müşaviri (2016), Azərbaycan Dövlət Pedaqoji Universitetinin rektoru (2006—2016), əməkdar elm xadimi, Azərbaycan Milli Elmlər Akademiyasının həqiqi üzvü (2017), fizika-riyaziyyat elmləri doktoru, professor.[1]
| YUSİF MƏMMƏDOV | |
|---|---|
| Yusif Əbülfət oğlu Məmmədov | |
| Doğum tarixi | |
| Doğum yeri | Dəstəgird, Sisyan rayonu, Qərbi Azərbaycan |
| Elm sahəsi | riyaziyyat |
| Elmi dərəcəsi | |
| İş yeri | |
| Təhsili | |
| Mükafatları |
   |
Həyatı
[redaktə | mənbəni redaktə et]Yusif Məmmədov 24 yanvar 1950–ci ildə Qərbi Azərbaycanın Sisyan rayonu Dəstəgird qəsəbəsində anadan olmuşdur. 1966-cı ildə orta məktəbi qızıl medalla bitirərək, Azərbaycan Dövlət Universitetinin mexanika-riyaziyyat fakültəsinə daxil olmuş, universiteti əla qiymətlərlə bitirdikdən sonra 1971-ci ildə təyinatla ADU-nun riyazi-fizika tənlikləri kafedrasında saxlanılmış, bu kafedrada assistentdən professor vəzifəsinədək yüksəlmişdir. 2000-2004-cü illərdə BDU-nun birinci prorektoru vəzifəsində çalışmışdır. 1974-cü ildə namizədlik, 1990-cı ildə isə doktorluq dissertasiyası müdafiə etmişdir.
2000-ci ildə Azərbaycan prezidenti Heydər Əliyevin sərəncamı ilə "Əməkdar elm xadimi" fəxri adına layiq görülmüşdür.
2001-ci ildə Azərbaycan Milli Elmlər Akademiyasının müxbir üzvü seçilmişdir.
Riyaziyyatçıdır, riyazi fizika və diferensial tənliklər sahəsində tanınmış mütəxəssisdir. 100-dən artıq elmi əsərin müəllifidir. Əsərlərinin xeyli hissəsi xarici ölkərin nüfuzlu jurnallarında çap olunmuşdur.
10 nəfər elmlər namizədi, 1 nəfər elmlər doktoru yetişdirmişdir.
YUNESKO-nun Elmi biliklərin və texnologiyaların etikası Azərbaycan Milli Komitəsinin üzvüdür.
Azərbaycan Respublikası Prezidenti yanında Ali Attestasiya Komissyasının riyaziyyat və mexanika ixtisasları üzrə ekspert şurasının sədridir.
21 aprel 2006-cı ildən 6 may 2016-cı ilədək Azərbaycan Dövlət Pedaqoji Universitetinin rektoru işləmişdir.
7 may 2016-cı ildən Azərbaycan Respublikası Təhsil nazirinin müşaviri təyin edilib[2].
İstinadlar
[redaktə | mənbəni redaktə et]- ↑ "Məmmədov Yusif Əbülfət oğlu" (az.). science.gov.az. 2017. 2018-04-19 tarixində arxivləşdirilib. İstifadə tarixi: 2017-04-05.
- ↑ "modern.az". 2016-05-09 tarixində arxivləşdirilib. İstifadə tarixi: 2016-05-07.
Ədəbiyyat
[redaktə | mənbəni redaktə et]- "Böyük alim, görkəmli elm və təhsil təşkilatçısı". Fərrux Rüstəmov. Pedaqoji oçerklər: Sələflərim və müasirlərim. Bakı: Elm və təhsil, 2010. - səh. 124.