араб, сущ.; -ди, -да; -ар, -ри, -ра 1) махсус фабрикада гьазурнавай хъсан ни къведай жими затӀ. Зи халад хва куьчедиз фидайла, атир ягъунал рикӀ алай гада я. Р. 2) хъсан ни. Попов чай хьайла багъа тир, Магьледизни чкӀиз атир, Кесибариз чирун къадир Тушир мирвет рава, самовар. С. С. Лавгъа самовар. Ватандихъ анжах са хайи веледдивай кьатӀуниз жедай кьетӀен гьава, гьавадихъни кьетӀен атир жеда. А. А. Къубудиз яд къвезва. Им суван гъверерин ( камбар цуькверин ), алванрин атирар я!.. Къ. М. Хайи чилин таватар. Шурвад атир хкаж хьуй Циф авачир цаварал! 3. Р., Б. С. Шарвили. Вавай затӀни кӀандач, я руш, Атир бес я ви киферин. М. М. Дуьньядай я.