прил. 1) япарал залан, сесерин ван текъведай. Бязибуруз вун биши яз аквада. Е. Э. Гьая тийижир паб. 2) куьч. лагьай гафуникай мана хкуд тийидай. Япар аваз жеда биши, Гагь жеда чӀехи, Дагъустан. С. С Жезамач эхи, Дагъустан.
* биши авун гл.; 1) ван текъведай гьалдиз гъун. Ваъ, ина масакӀа хьана: япар биши ийидай хътин къати гъарайдин ван акъатна. Б. Гь. Заз эвера. 2) куьч. манасуз рахунралди инжиклу авун. Гъафтедалди це заз мажал, Мийир на зи япар биши. С. С.
* биши ван сущ. ла п аскӀан сес.... ада яргъал дагьардай къвезвай хътин биши ванцелди мани хкажна. Б. Гь. Заз эвера.
* биши руг сущ. къалин куьлуь къат хьанвай руг. Ракъини кана чӀулав хьанвай чиниз гьекь акъатдай, ам винелай биши руквадини кӀевна жедай. А. Ф. Риза. Гьасана вичин кӀвалер куьтягьнавач, айванар тирвал биши руквади кьунва. М. Б. Спелар. Женжел гару куьчеда авай биши рукварив алчудардай кьуьлер шиз тазвай. 3. Э. ВацӀал кьеб.
* биши хвах сущ. еке къванер. Биши хвахвар, ккӀалар хьиз, гелячиз Гьуьлерихъди гадарзава вацӀари. А. С. КӀанда и чил.
* биши хьун гл. япарал залан хьун. Жедалди чаз ихьтин хабар, Биши хьун хъсан тир япар. С. С. Я кьван карвансара.