туьрк, сущ.; -уни, -уна; -ар, -ари, -ара масадавай вахтуналди къачунвай ва я масадав вуганвай са вуч ятӀани (пул, техил ва мсб). Заз вавай са кьверипе техил бурж кӀанзавай, лагьана къариди... А. Ф. Бубадин веси. Шафера вичел алай бурж хкидатӀа лугьуз, фекьидин вил алай А. Ф. Бубадин веси.
* бурж алаз хьун гл., нел нин; са кас масадаз адавай къачур са вуч ятӀани вахкуниз мажбури яз хьун. Гьан, - фикирна Къадира, - адал зи бурж алазвайди я; А. Ф. Бубадин веси. За 1997 - йисан апрелдиз райондин бюджет кьуд миллиардни кьве вишни цӀемуьжуьд манат пул бурж алаз кьабулна. Гележегдихъ къачузвай камар || ЛГ, 1999, 1.1 V.
* бурж (буржуна) вугун гл., ни нив вуч са касди масадав вахтуналди са вуч ятӀани вугун. - Чав техил ни бурж вугуда? - лагъана гъвечӀи хва Сефера дидедиз. А. Ф. Бубадин веси. - Сайранат, чан къунши, эгер жедатӀа, са виш манат буржуна гице ман, 3. Гь. Бубадин кӀвал.
* бурж(ар) кьун (буржуна кьун) \[къачун \] гл., ни масадавай вахтуналди са вуч ятӀани къачун. А. Ф. Бубадин веси. Мад буржар кьаз хъвазвани? М. Б. Зун кьенвач. И кардал рази хьайи Гьалимата, Аскеран меслятдалди, пул буржуна кьаз башламишна. Я Къафаров. Автомат. Кепек-кепекдал эцигзавай ада, туьквенчидивай бурж къачуз, анжах кьуру фу незвай. 3. Э. Уртах цаз тадани.
* бурж(ар) вахкун гл., ни нив ( нин ) масадавай вахтуналди къачурди гьадав агакьар хъувун. - Маса чара авач, хизанар, гъенел алай кал гана, буржар вахкана кӀанда. А. Ф. Бубадин веси. Мажиб къачур ада сифтени-сифте туьквендал чукурна, бурж: вахкана. 3. Э. Уртах цаз тадани. Бурж: вахкунин ван-сес хьайила, Аскера Гъалиматакай чинар чӀурдай, кӀваляй экъечӀиз, са гьиниз ятӀани физ, кьил баштандай. Я. Къафаров. Автомат.