сущ.; -цра, -цра; -рцар, -рцари, -рцара 1) терм. Варз теквилин кьадарда цавун аршда авай, вичи ракъинилай къачузвай ишигъдалди йифиз чил экуь ийизвай ва амай гьетерилай чилиз мукьва гъед. Зуьгьре яни, ам варз яни, ам гъед яни... Е. Э. Алагуьзлидиз. Ни алудрай сергьят Кьулан вацӀалай, Жедайвал са рикӀ сагълам са беденда? Къведач кьван сад чаз куьмекиз Вацралай, Гузвай затӀ туш кьван азадвал туьквендай? Б. С. ЖедатӀа ша куьмека. И арада цавай заз Аквада мад нур гузвай рикӀиз чими элкъвей Варз, Килигиз заз кьвазнавай... Вацра жаваб гана заз: - Зиди туш за гузвай экв - Ам ракъинин нур я за, Гуьзгуьди хьиз, гузвай квез, Хсуси экв авач захъ... И. Асл. Зи рагъ гила хъфизва; 2) йисан вахтунин цӀикьвед паюникай са пай. И пуд вацран къене вун гьуьлел алад. Ф. Гьуьлуьн руш. Беневшадин рикӀел, аламатдин ахвар хьиз хквезва: и гатун пуд варз гзаф гуьзелдаказ, са вилиз акуна, муькуь вилиз такуна, акъатнай. Гь. Къ. Магьи чан Дилбер. Зи рикӀел хъсандиз алама. 1968 - йисуз за «Къизил Къусар» газетдин редакцияда са шумуд вацра кӀвалахнай. Чи коллектив вад вацра кьве сеферда мелез экъечӀнай. М. М. Лезги тӀвар алатӀа.
* варз акьун \[алукьун \] гл. варз малум хьун.
* варз акӀун гл. варз аквадай вахт куьтягь хьун.
* варз кьун гл. гузвай экв вахтуналди амукь тавун.
* вацран эквер сущ.; вацра экв гузвай йифер.
* вацран кьилер сущ.; гьар вацра дишегьлидин аялдин кӀваляй иви къведай вахт. ЧӀухлумпӀрин дарманар иви фин акъвазарун патал, вацран кьилер четиндиз кьиле фейила... ишлемишда. ЛГ, 2002, 25. ӀV.
* вацран мичӀер сущ.; вацран экв авачир йифер. Вацран мичӀер йиф тир. И. В. Чирхчир.
* варз хьтин чин сущ.; элкъвей ва лацу чин.
* вацран мичӀера гьетери артух экв ийида \[гуда\] мисал чӀехиди зайиф хьайила, гъвечӀибуру чпин "алакьунар" къалурда. * цӀийи варз.