прил. нихъ-квехъ галаз ятӀани авай алакъаяр, рафтарвилер чпиз мажбури гьалда кьилиз акъуддай. "Чун вафалу дустар я "- лугьуз кьин кьадайбурни тӀимил жедач. ЛГ, 1994, 23. ӀX. Иллаки шад жедай, умудлу ийизвай кар ам я хьи, 24-июндиз Ахцегьиз Шарвилидин суварик атанвай агъзурралди мугьманри чеб чи къагьримандин весидиз -Халкьдин фикир сад хьурай... Сад хьайитӀа, шад жеда!" - вафалу тирди тестикьарна. А. И. Шарвили чахъ галазва... Асеф Мегьман, икрам ая, вун кьабулай Дагьустандиз, Ам себеб яз ви вилериз ваз вафалу яр акуна. Ас. М. Гъезелар. -Дуьз лагь, паб, санал яшамиш жезвай йисара вун гьамиша заз вафалу тирни? Я. Къафаров. Вафасузвал. Вафалубур я зи вири юлдашар, Шад къилихрин, жуьрэтлу ватандашар. Ш. Ю. Дидедиз кагъаз. Синоним: рекье чан эцигдай. Антоним: вафасуз.
* вафалу хьун гл., вуж низ-квез; нин-куьн ятӀани рекье чан эцигиз гьазур хьун. Чаз Расул Аллагьди... гайи кьинез вафалу хьун, зиллетдик квайдаз куьмек гун, эверайдаз гьай лугьун, салам гун эмирнавайди я. Диндикай суьгьбетар || Самур, 1994, No 3. Сифте муьгьуьббатдиз икӀ уьмуьр амай кьван, саки адан эхирдалди, и яшариз акъатдалди, вафалу хьун завай игитвал тахьана маса кар яз гьисабиз жедач. Я. Я. Агалай сандух. Вичин кардиз вич вафалу хьайиди, Бахтлу кас я гьа и дуьнья амай кьван. Ш. Т. Кьве устӀар. Ина хизандиз вафалу хьунин, чара миллетрин алакъайрин, жуван папанни маса дишегьлидин арада рафтарвилин ва ихьтин маса чи литературада чпиз акьван рехъ ачух тушир месэлаяр гьялзава. Гь. Гьемзетов. Абдулбари Магьмудовакай гаф. Антоним: вафасуз хьун.