сущ.; -да, -да 1 ) алакьдай кьван крар, гьерекатар, жедай, хьайи, авай затӀар. Чна чалай алакьдай вири авуна... 3. Ф. Халкь патал халкьнавай инсан. 2) авай инсанар, гьайванар. Виридаз авай чка Рехъ ачух уьлчуь хьайила, Чаз мегер дуст авай къапу ИкӀ кӀеви Хейбар жедани? Е. Э. Гъазанфераз. ГьакӀ шадвилелди хъуьрез виридан сив... А. Ф. КьатӀ-кьатӀ авур зунжурар. Виридан кӀвалах туькӀуьриз садан кефини хадачир. А. И. Самур. - Алексалам, - халу чан! -Дагълара адет тирвал, чи виридан патахъай чахъ галай яшдиз чӀехида - Генжалиди жаваб гана. Къ. М. Рекьин риваятар. Закат - ам чи эменни я виридан, Мусурманрин дуланажагъ хкаждай Къуват я ам, берекатрин чешме я. А. Къ. Ярагъ Мегьамедан гьазават. Чи уьмуьрар гагъ ширин я, гагъ батин я, Виридалай инсан хьунухь четин я. М. Б. Регьят туш. Им дуьньяда виридалай кьакьан ва пак тахт я са... А. Къ. Жуьгьенар. - Чи дестедик квай вирибуру гьарда вичин кьадардиз чӀехи халкьдин чӀехи алимрикай, шаиррикай, композиторрикай, игитрикай дамахдивди ихтилатна. А. Къ. Халкь.
* виридаз са виляй килигун гл., вуж виридахъ галаз сад хьтин рафтарвилер авун. Ина сад-садаз гьич танишбурни туш, ина сад-садаз чин тийидай касни авач. Виридаз кьисмет са виляй килигзава. Гь. М. Ирид къаш.