сущ.; -и, -а; -ар, -ри, -ра 1) хъуьтӀелай гуьгъуьнин гаталай виликан пуд вацран вахт. ХупӀ шад, хуррам тушни вун ви бахтунал, Цуькверивди дигай гатфар вахтунал. Е. Э. Билбил Акъатзамаз пуд варз гатфар, Шешел къачу, гьат, фекьияр. С. С. Фекьияр.... адаз гатфаралди недай техилни бес хьанач... А. Ф. Бубадин веси. Гатфарин кӀвалахар атана яцӀа гьатнававай вахтунда чатун устӀар кьена, жемят кӀеве гьатна. А. И. Самур, ӀӀӀ. Гатфарихъ сил, картуфар, келемар, газарар цун патал усадьбаярни къарагъарнава. Ш. Шабатов. Ерийрал рикӀ ала... Гадни, зулни, кьуьдни, гатфар, гьардахъ вичин нямет ава... Ас. М. Гъезелар. 2) куьч. шад вахт, бахтлу бере. Зун тергна, яр, вун гъейридаз фена хьи, Гатфар фена, гила кьуьд я, кӀани яр. Е. Э. КӀани яр. Къуй гьамиша гатфар хьурай Лезгитсандин суфрадал. Къуй гьамиша Мегьарамдхуьр алкӀурай Са орден хьиз Зи Самурдин яхадал. Л. Н. Гьар Самурдал атайла.