\[ гатhун \] гл. -ада, -ана; -аз, -азва; -ут, -ан, -урай, -амир; гатун тавун, гатун тахвун, гатун хъийимир 1) ни вуч дараматдин, гьаятдин кьенепата авайбуруз эверун патал, рак пенжер гъилелди ва я маса затӀуналди ягъун. И вахтунда кӀвалин ракӀар гатадай ван атана. Ф. Пад яру ич. Рак гатун герек туш - вун ина Кьабулда гьар сада, багъри хьиз. М. Б. Дустариз жаваб. 2) ни вуж къастуналди сада масадаз къуватдин тӀарвилер гун. Ягъун, гатун ана авай кар жеди. Е. Э. Кьве паб. Рекьида за вун яна, гатана. Е. Э. Тумакь яц. Синонимар: ягъун, са кьвед вегьин. 3) магьсулдин кьилерай балкӀанар, яцар кутӀуннавай ругунар тухвана тварар авадарун. Юг гатадайдаз хвар, Динжвилиз ахвар, ЗатӀ жакьваз сухвар ХупӀ ярашугъ я. С. С. Квез вуч ярашугъ я. Тамам шин вири шартӀар, Вядедамаз эчӀичӀ ратӀар, Техил фад гатун патал. С. С. Ахварай аватун. Гила вуна лагь, ратӀарал балкӀанрив гатана сагъ са юкъуз 400-500 кило къуьл вахчун хъсан яни, тахьайтӀа... ЛГ, 1999, 21. X. 4) ракьукай чатук якӀв, леэн, пер расун. Жафер хуьре гьуьрмет авай кас тир. Ада гатай маша, шекер хадай хех, хекендаз авачир кӀвал хуьре бажагьат авай жеди. 3. Гь. Уьмуьрдин сирнав. Чи мугьман, элкъвена уста СултӀана гатанвай дергес гъиле кьуна, гьадаз гзаф мукьуфдалди тамашзавай. Ж. «Лезгистан», 1991, No 0, ч. 21. Ада хъсан чукӀулар гатада. Р. 5) куьч. са вуч ятӀани са кве ятӀани акьун, акьурун. Рагъул хьана гатфарин вацӀ, Раг гатана лепейри... Н. С. Самур.