сущ.; -уни, -уна; -ар, -ари, -ара дуьзвал. ЛагьайтӀани, агъур жед на лагьайди, Гьахъ паталди лугьурди хьуй авайди. Е. Э. Бахтсузвал. 'Зид тарихдин гьахъ винел акъудун я, кьисас къахчун - ваъ. А. А. Пад хьайи рагъ. Нагьакь чкадал масадавай гьахъ тӀалабмир. 3. Р. Веси. Акур карни такур кьасиз, Мажбур я вун са кӀус фу нез. Гьахъ акурдан вил акъудиз, Гьахъ лагьайдан атӀузва мез. Мегь. А. Дуьз патахъди рахана зун. 1875 - йисуз Баку да акъатай "Экинжи " газетдин активный мухбиррикай сад хьайи Гьасан Алкьвадариди вичин хциз веси авунай: "Эй жегьил, гьахъ ва дуствал гьамиша вине яхъ ". М. М. Лезги тӀвар алатӀа. И дуьньяда са чӀавузни хьанач гьахъ. А. Къ. Элегия. Виридалайни еке инсансузвал дуьздаз - патахъ, батӀулдаз гьахъ лугьун я. ЛГ, 1997, 26. ХӀӀ. - Куьмек ая на гьахъ патал, Нагьахъдакай жув хуьх яргъаз. Гьахъ гадарна батӀул рахаз, Кхьидай кагъаз хъсан туш. А. Б. Хъсан туш.
* гьахъ гвай прил. къени, дуьзвал гвай. Къимет тагайтӀа абуру гьахъ гвай кесиб кана тада, стхани кваз маса гуда. А. А. СтӀал Сулейман.
* гьахъ-гьисаб сущ., дуьзвал, батӀулвал - вири санлай. Конференция гьикьван гуьзелдиз кьиле физвай. Гъахъ-гьисаб агалкьунривди куьтягь хьанвай. А. А. Лезгияр.
* гьахъ-гьисаб авун гл., ни нин дуьзвал чирна, жаза гун.
* гьахъ-дуван сущ. вини дережадин дуьзвал. РикӀин зегьем, фасагьат мез яз алат, Гьахъ-дувандин терез хвейи дуьз, Эмин. Ч. К. Устадрин устад.
* гьахъ-дуван авун гл., ни нин вини дережадин дуьзвал тайинарун, чирун.
* гьахъ лагьайтӀа арал. таб тавуна рахайтӀа. Гьахъ лагьайтӀа, Мегьамед хъсан, чи дагълара гзаф машгьур тӀвар я. А. Р. Вертолѐт Мегьамед. - Гьахъ лагьайтӀа, заз адакай чӀуру гафарни ван хьана. Б. Гь. Заз эвера.