араб вахт.
* давам(ар) авун гл., ни вуч авун; ийизвай кар, кӀвалах акъвазар тавуна кьилиз ахкъудун. Чи ихтилат куьтягьдалди ада вичин кӀелун давам авуна. Р. Назир геждалди столдихъ ацукьна, гила поэма давамар хъувуртӀа жезвай 3. Гь. Ахварай авудай аваз. Жибиндай пӀапӀрус акъудна, цӀай яна, вичин фикир давам хъувуна... А. Сайд. Нариманаз вич гьахъ я лагь.... жергедин и кьиляй а кьилиз фена, мад юкьвал хтана давам хъувуна... А. Къ. Жуьгьенар.
* давам гун гл., ни низ-квез са гьихьтин ятӀани къуватдиз акси яз акъвазун. - Низ чида, ахпа ГьикӀ жедатӀа, яд кьванни хъвана кӀанда, давам гуз хьанач Серѐгинавай ва чӀулуникай фляга хкудна, ам акьалдарна. 3. Гь. Залан кам.
* давам хьун гл., вуч ийизвай кар акъваз тахьун, авай гьал дегиш тахьун. Идалайни башкъа, гьа и 10 йисан макъамда милли паркунин мулкарай там атӀун, тамун фондунин чилер кьун давам хьана. ЛГ, 2003, 22. ӀӀ Эхь, адаз чизвай: гьамиша акъваз тавуна давам жедай са шейни авач. 3. Гь. Ахварай авудай аваз. Нетижада Ширван туьркверин... зулумдик акат хъувуна ва анин халкь туьрквериз элкъуьрдай сиясат давам хъхьана. А. Бутаев. Гьажи Давуд ва лезгийрин азад женгер. Зун давам жеда залай кьулухъни. Ш. Къ. Фуни ава захъ... Кьведра артух хьуй ви къенин яшар, Давам жедайвал сегьнедин сувар. И. Я. Сегьнедин устад.