прил. 1) гуьтӀуь. Кьежей къуз тим жеда ярхар, Рекьер, хуьлер дар чка я. С. С. Тухванва гьар чкадиз гуьтӀуь, дар ракьун рекьер. А. Ф. Зарбачи Гьасан. Дагъдин дар гирведал атайла, Назлу вичин фикиррикай айих хьана. А. А. Пад хьайи рагъ. Шегьреярни дар жигъирар, кӀвахьай гьекь... И дуьньяда авач, заз чиз, хъсан рехъ. Хайи кӀвалихъ уьтмиш жезвай рекьелай. Ш. Къ. Рекьер. Дагъдин шартӀара яшамиш жезвай, яргъал тир дар рекьерай векь, кӀарасар, техилдин цуьлер хкизвай инсанриз и кӀвалахар хъсандиз чир хьана кӀанзавай... С. М.. ЦицӀигъ-наме. Синонимар: гуьтӀуь, дарискъал, шуькӀуь. Антоним: генг, гьяркьуь, фирягь; 2) недайдахъ игьтияж авай. Гзаф дар, са гъапавай гъуьруьхъ муьгътеж хьанвай йисар тир. А. Эсетов. Мегьарамдхуьр - зи рикӀин сир || ЛГ, 2001, 4.Ӏ.
* дуьнья дар хьун, нефес дар хьун, рикӀ дар хьун.
* дар авун гл., ни вуч дар гьалдиз гъун. УстӀарди акваз-акваз кӀвал дар авуна. Р.
* дар хьун гл., низ вуч дар гьалдиз атун. Куьчеяр дар хьана. Р. Кьуд пад вири хьанваз дар, Уьмуьр физва гьа са жуьре. И. М. Перишан тир дагъни дере.
* дарда гьатун гл., вуж яшайишдин четин шартӀара гьатун. Кьилелай жегьилзамаз итим алатна лагьана, Умуят дарда гьатнач. С. Ярагъви ашукь Уьзден
* дарда тун гл., вуж ни яшайишдин четин шартӀара тун.