сущ.; -ди, -да; -яр, -йри, -йра диши инсан, аялар хадай ва абур хурун нек гана чӀехи ийидайди. Дишегьли дяведиз я ахьтин кьегъал, Я тур, тфенг, яракь адаз герек туш. Е. Э. Герек туш Дишегьлияр даяхар я дуьньядин. Ш-Э. М. Шехьда. Патав гвай салаз тек дишегьли атана. Ада вичин дабан гатазвай яргъи кифер къамал кӀватӀна, косынкадиз тӀвал гана. 3. Э. Пата вил авайди. Сагърай, жаваб гана, элкъвена дишегьлидиз килигай бустанчиди. 3. Э. Я пуд манат. Гагь макъамда дишегьлидин къиметар Вуч кӀантӀан хьуй, манатар вад виш жеди. С. С. Пис папаз. Чатухъанди ихтилатна фикириз: - Арифар, Куьн акьада зи гъавурда, Дишегьли - им ракь я, эгер ифириз ХьайитӀа, ам кӀанивал на какурда. А. С. Чатухъанди ихтилатна фикириз... И алахьай югъ хьтин, чина экв, вилера сакитвал авай дишегьли министрдин паб тир. А. А. Пад хьайи рагъ. Чпин виликай фейи дишегьли акурла, Велиханан рикӀел вичин жегьил вахтар хкведа. А. Ляметов. Гуьгъуьниз килигиз... хъуьтӀуьз рагъ атайла, инсанар къаварал ацукьда, гьарда вичин са дерди ийида: итимри шаламар илигда, хевелагар цвада, кукӀвалар хъияда, дишегьлийри сар эвягъда, гъалар ийида, гуьлуьтар храда... 3. Ф. Маргьузаран тупӀар. Ню чидай, хъсан кӀвал-югъ, гьаким хьтин гъуьл, цуьквер хьтин гадани руш авай дишегьли чалкечир жедатӀа, низ чидай ада зун шегьердиз вичин юлдаш хьун патал желбнавайди. А. М. Киф атӀайди. Синоним: паб. Антоним: итим.