фарс, куьгь., сущ.; -ди, -да; -ар, -ри, -ра 1) гьахълувал, къанунвал хуьзвай идара, суд.. Чил я кӀеви, къакъан я цав, Чи къуватар гумач хьи чав. Адалатлу гьаким патав, Авур и дуван акутӀун. М. А. Мегер гужар хьанан тӀимил... Кавхайри Худат вилаятдин ханлухдин дувандиз ( лап кьилин суд ) арза гваз чпин векилар ракъурна. Т. А. Мехъер куьтягь тахьанмаз. 2) къарар. Гужуналди зун бубади гайитӀа, Ахпа ам я эхир дуван, невжеван. Е. Э. Серминазахъ галаз суьгьбет. Килигиз кьвазда куьн чиниз: Са затӀ гьат тавуртӀа гъилиз, Акъудич а дуван кьилиз, Кхьиз гуз суьрет, судуяр. С. С. Судуяр. Заз акурд туш вун хьтин ламатӀ, Чи дуван бес гьикӀ жеда кьатӀ... С. С. Кпул. Векьелар малла Рамазан, Им батӀул дуван хьана хьи. С. С. ГьажикӀа. 3) гаф-чӀал, ихтилат. Тамам Дагъустанда ЯркӀа Мад адан дуван хьана хьи. С. С. ГьажикӀа.
* дуван авун гл., ни нин гьахълу къарар кьабулун. Жува ая жуван дуван. С. С. Кьулан ва цӀ. Акьуллудаз тагуз мажал, Кьилди са дуван ийида. С. С. Гьарда вичикай хан ийида.
* дуван акун ни нин « жаза гуда» манадин гьелегь кьун. За адан алчах гъуьлуьн дуван къе-пака ийида. Къ. М. Дагъларин деринрин булахар. Адан дуван за аквада. А. А. Умуд. Яваш, куь дуван за аквада. Квехъ галаз зун хъсан рахада. Гь. Къ. Четин бахт. Абурун дуван Сам-Самрин Тартади аквада. Гь. Къ. Къилинж Къемер.... абур вири кӀватӀна исятда округдиз цӀийи неченикдин патав ракъуриз тада. Ада абурун дуван аквада. Ж. Эфендиев. Азадвилин рекье.
* дуван Аллагьди авурай ! межд. 'са ни ятӀани авур писвилерай адаз жаза Аллагьди гурай' манадин ибара. - Эхна кӀанда, маса чара авач. Сад туш, кьвед. За вуж къада? Вичин дуван Аллагьди авурай, лагьана... 3. Э. Уртах цаз тадани.