араб, сущ.; -ди, -да; -ар, -ри, -ра зиян. Я хийир чидач, я зарар... С. С. Куьре эгьлийриз. Ваз гьеле жуван хийирни зарар чир хьанвач... А. Сайд. Нариманаз вич гьахъ я лагь. ЦицӀигъвийрин масадаз зарар авачир хъуьруьнри, акьуллу зарафатри хуьруьн ким гьамиша безетмишзавайди тир. С. Муслимов. ЦицӀигъ- наме. Антоним: хийир.
* зарар авач арал. са ийизвай ва я хьайи кардал разивал къалурдай ибара. - Зарар авач, - жаваб гана чӀехи стхайри.. Ф. Гьуьлуьн шив. Зарар авач, бажарагъсузар, литература туна, алвер ийиз эгечӀайла ва я маса крарал машгъул хьайила, белки, гьа рекьера абуруз хъсан жен. А. Къ. Дагъустан шаиррин уьлкве яз ама.
* зарар гун гл., ни низ-квез зиян жедай гьалдиз гъун. Ахвар гала? Чидач ман, гадаярни ахварал фейитӀа, балкӀандиз зарар гудатӀа? А. Ф. Лянет. Гьинавачир дарманар, ирмицӀитармирмицӀитӀар яда лугьуз хийирдилай зарар гзаф гузва. Б. Гь. Заз эвера.