гл., вуж-вуч; -уда, -ана; -уз, -узва; -ус, -ун, -урай, -умир; ксун тавун, ксун тахвун, ксун хъийимир 1) ахварин гьалда хьун. Гъуьл, бейхабар, ксанавай, Ахварай аватун хьана кьван. С. С. Са къаридинни къужадин чӀиргъинтӀ. - Зун аял туш, диде, зун гъавурдик квазва, Къарагъна вижевайдаказ ксус Гь. М. Зуьгьредин муьгьуьббат. - Хъша, бала, Вун ксудай вахт хьанва X. X. Пагьливан. Са кьадар вахтунда ам, ксанвай хизан ахварай гьикӀ авудда лугьуз, ракӀарихъ галамукьна. С. Муслимов. ЦицӀигъ-наме. 2) гьакъикъатдикай, дуьньядин гьаларикай бейхабар яз хьун. Лезгийрин интеллигенция - ксанвай гьуьруьперияр я, лезгийрин шаирарни - кӀвалин ашукьар я. 3. Р. Веси. Эй лезгияр! Ксумир куьн, уях хьухь, Бязи крар гилигзава ви тӀварцӀихъ. ЧӀалахъ жемир, фагьум ая дериндай, Сир вугумир гьар атайдаз куь варцихъ. Мегь. А. Эй лезгияр. Чи душманарни, ваз малум я, ксанвач, - жаваб гана Нуфталиди. Гь. Къ. Четин бахт. Ада кӀвалахзава. Адан алакъа Бакудихъ, Нухадихъ ва Азербайжандин маса шегьеррихъ, хуьрерихъ галаз авайди чаз чида. Чунни ксузвач. Н. М. Къизилдин хтар.
* ксай месик иситӀа жагъидач мисал 'кӀвалах тавуна мурад кьилиз акъатдач' манадин мисал. Ругуд йисуз чара чкада кӀелунни регьят кар туш. Яз ксай месик иситӀа жагъидач. 3. Э. Гуьлзада.... цӀийи крар патал женг чӀугуна кӀанда. Месик иситӀа жагъида лагьайтӀа, таб я. Б. Гь. Зулун пешер. Чин уьлгуьчди хьиз атӀузвай. Амма ксай месик иситӀа жагъин тийидайди чизвай парторганизациядин секретарди къаю гузвай азабдиз сас сарал илисна дурум гана. 3. Э. Ишигълаван дере. Зи фикир фадлай ашкара я. Ксай месик иситӀа гуз хьайитӀани, зи кар колхозда жедач, жанаби. А. М, Къалабулух квай гатфар.
* ксай пси зараф., сущ. гзаф ксудайди; кьадардилай артух секинди.