туьрк, прил.; 1) квекай ибарат ятӀа, гьадан паяр лап игис хьанвай лишанда авай.... вилик квай дередай виниз къалин чӀулав циф хкаж хьана, са тӀимил вахтундилай ада чун элкъуьрна кьуна ва мичӀи авуна. А. Ф. Лянет. Жив ацукьайбур хьиз михьиз лацу хьанвай къалин рацӀамрин кӀаникай аквазвай кьве гъвечӀи булах хьтин михьи вилер исятда чилел эвичӀай ксарал атана. Б. Гь. Заз эвера. Гьа кӀ ятӀани, къунши райондин майишатри къалин тамар кукӀварна КцӀар вацӀун яд Къубадиз тухуз алахънава. М. М. Лезги тӀвар алатӀа. 2) куьч. кьадардилай артухан, къуватлу. Салам гана, кӀвализ мугьман атайла, Винни папан къалин къалмакъал жеди. Ш. Э. Мурадов. Пис папаз.
* къалин авун гл., ни-куь вуч къалин гьалдиз гъун.
* къалин хьун гл., вуч къалин гьалдиз атун. Гаф-гафунилай къвез чи рахун-луькӀуьн къалин хьана. 3. Э. Кек галкӀизва. Квез кӀан хьайитӀани, кӀан тахьайтӀани, «Садвилин» жергеяр къалин жезва. М. М. Кьибле пата гурзава. «Зу, зу» лугьуз, гьарайдайбур къалин я, Ягъиз тежер къванер кьазва са зурба... Х. X. Чи чилив гва дегьзамандин рехивал. Зи суьруьяр къалин хьуник адан лайихлу пай ква. Т. А. Мехъер куьтягь тахьанмаз. Са легьзеда Мирзехан, лап делиди хьиз, хъуьрена, гьа са вахтунда адан фикирарни къалин хьана. 3. Гь. Бубадин кӀвал.