туьрк, сущ.; -ди, -да; -ар, -ри, -ра атлуди вич алай балкӀан муьтӀуьгъарун патал са кьил адан сиве, муькуь кьил вичин гъиле кьадай, къайишдикай, тумаждикай, епиникай раснавай махсус затӀ. # балкӀандал ~ акъалжун, балкӀандин сивяй ~ акъудун, ~ гъиляй ахъай тавун. Сиве авай кьенерар акъудна балкӀандив нез тазвай за. А. Ф. Лянет. Нагагъ и сефер гьар къвезвайдаз балкӀанни, пурар, кьенер, вичиз дуланмиш хьун патал пул гана кӀанзаватӀа, пака ихьтин гьевесар генералдик мадни екебур акатда. А. А. Лезгияр азадвилин женгера. Бубади адан гъилер далудал ва кӀвачер балкӀандин кӀаникай кутӀунна, кьенерар пурарихъ вегьена, кьил хуьруьхъди элкъуьрна, балкӀандиз цӀай акъатдайвал кьве къамчи вегьена. С. Гь. КӀири Буба. - Са кьуд жегьил фена, кавха Шайдадин муьхце авай балкӀанрал алай пурар, кьенерар алудна, балкӀанар чеб ахъайна. С. Ярагъви ашукь Уьзден.
* кьенерар чуьнуьхайда балкӀанни чуьнуьхда мисал 'куьлуь шей чуьнуьхайда гьадалай екедини чуьнуьхда' манадин ибара.