гл.; -да, -на; -из, -зава; -а, -ин, -рай, -мир; кӀел авун, кӀел тавун, кӀел тахвун, кӀел хъийимир 1) кхьенвай шей жуважувакди ва я кӀевиз лугьун, тикрар авун. ЦӀицӀалиди кӀелиз башламишна. Элиф, бей, тей... Ф. ЦӀицӀали. КӀелзамазди са элифар, Закатдикай рахаз гафар. С. С. Фекьияр. И къалай кьулухь гьа са гьарф са гафуна са жуьре, маса гафуна маса жуьре кӀелун мумкин я. М. М. Гь. Лезги грамматика. Исятда чун А. Фатахован эсерар кӀел тавур жсандивай вич образование авайди яз гьисабиз тежедай гьалда... жезва. 3. Бирембеков. А. Фатахов: куьруь биография ва яратмишу нар. Гуржийрин ва эрменийри бязи алимри Алпан гьукуматдин чӀал удинрин чӀалахъ галаз гекъигзава ва а девирдин чӀехи чӀал тир лезги чӀал рикӀелай алудзава. Гьавиляй абурувай къадим Алпан девлетдин кхьинар бегьемдаказ кӀелиз жезвач. М. М. Уях хьухь, лезгияр! 2) кхьенвайбур вилералди аннамишуналди чирвилер къачун. Нянрихъди кӀелиз ликпунктариз фидай, Куьлуьз-куьлуьз рахаз, ихтилат ийиз. А. Ф. КьатӀ-кьатӀ авур зунжурар. Гьар жуьредин рахунрик кваз Къайитмаза кӀелунин патахъай месэла кудна. 3. Э. Рекьер сад туш. КӀелун, тежриба, ахлакь чарасуз я... И. Гь. Заманайрин хумаярни Зи ЧӀехи стхади, мектебда кӀелдайла, «лезги пул» тагун патал вичин паспортда азербайжанви кхьейди я. М. М. Лезги тӀвар алатӀа.
* дерди кӀелун.