араб, сущ.; -ди, -да; -ар, -ри, -ра 1) шегьерда ва я хуьре кӀвалер эциг тавуна амай гегьенш ачух чка. Чубан, гъилерал ракьар алаз, жемят. кӀватӀ хьанвай майдандал гъана. Т. А. Мехъер куьтягь тахьанмаз 2) са квез ятӀани чара авунвай чил; са куь ятӀани (месела, багълари) кьунвай чил 3) адет яз, квадратный метрийралди алцумна са гьихьтинг ятӀани мурадар патал чара авунвай кӀвал. 4) акъажунар кьиле фидай чка. 5) виридан вичел фикир желбдай гьал. Гада гьаятдиз атайла, кьуралай кӀекре гьарайда: "Бибихатун тӀанурда, гачал рушар майданда!" Ф. Бибихатун. Дидедиз хуш атайла, ада шиир майдандизни акъуддай. Ж. Гь. Руьгьдин, рикӀерин къелечи. 6) куьч. ихтияр, рехъ. Вуна адаз майдан це, ада вичин кар вичи аквада». Б. Гь. Заз эвера Вун хьтинбуруз гъукумдарри мадни майдан гайитӀа, факъиррин вайни гьал хьанвайди я Т. А. Мехъер куьтягь тахьанмаз. * акъажунрин майдан
* майдандиз экъечӀун гл., вуж ам тек са кесиб лежберрин шаир яз ваь, гьакӀ Дагьустандин цӀийиз акьалтзавай рабочий классдин шаирни яз майдандиз экъечӀнава. М. М. Гь. ЧӀехи шаир. Ша майдандиз экъечӀун чун мягькем яз, Тухудай кар кьиле тухун уьтквем яз, Эренлар чи руьгь я, рикӀер зегьем яз, Пак ракьиник таж алай хуьр - Миграгъар. А. С. Миграгъар. Сад хьана, белки, чун са гьихьтин ятӀани истемишунар гваз майдандиз экъечӀин, - къейдна муаллимди вичин рахунрин эхирдай. X. Шайдабегова. Дидед чӀал чируниз артух фикир.