сущ.; -уни, -уна; -вар, -ври, -ера дергесдалди янавай, гьеле кӀватӀ тавунвай са цӀар векь. Гадади, са гъвечӀи маргъв тухвана, дергес вахгана. Б. Гь. Заз эвера. Алад агъа кьерез! Гьана, ваз чидай дегьнедихъ фидайла, гьалтзавай тутун тарцелай винидихъ, чна яна амукьнавай маргъвар ава. Гьабур кӀватӀ хъувуна хъша... Б. Къ. Къарачи. Гьабибуллагь халуди вичин езне Рзаханаз салай векь ягъун патал эверда. Са маргъв ягъайла, Гьабибуллагь халуди Рзаханаз лугьуда: - Акъваз, акъваз, дуьз хьанач. С. Муслимов. ЦицӀигъ-наме.