|| МЕНГЕНАГ фарс, сущ: ; - ди, -да; -яр || -ар, -йри || ри - йра || ра чуькьведай, илисдай алат. Юкъвар кьазва майдандал кьве къегъалди, Садан гъилер кьазва садан гъилери. Гуя кьазва менгенайди, хехери. И. Гь. Майдандал. Кефердихъай Красный Армияди, кьибледихъай партизанри деникинцияр менгенегра чуькьвена. З. Э. Муькъвел гелер. Иляса вичин стхадин гъилера менгенегра хьиз кьунвай кӀвачин кек регьятдиз дуьзариз башламишна. Гь. М. Им къван, имни терез. - Гьагъ? - меигенайра гъатай хьиз, чӀакьракьай вичин гъилиз тамашзава мугьман. Б. Гь. ТӀварун стхаяр. ☼ М. М. Гьажиева менгенек, менжених кхьизвай ( кил. М. Г. ЛРС, ч. 201 - том), амма орфографиядин норма яз 1955 - йисалай менгена кьабулнава.