фарс, прил. 1) чиркин, вижесуз, нез, хъваз тежедай. Мурдар тир вич кицӀелай, Михьи яз къалурда целай. С. С. Акьул жуваз аваз кӀанда. Синоним: кьацӀай. 2) нугь. рикӀ чӀуру, масадаз писвал ийидай, инсарихъ галаз дуьз текъведай. Гафар гуьрчег, амал мурдар. Вун гьикьван алчах я, Къафкъаз! С. С. Къафкъаз. Анжах гила... а замандпн са гзаф мурдар, чалкечир, мердимазар инсанар, абурук квай чиркин, алчах хесетар тергнавай чӀавуз абур вужар тиртӀа, чир хьун тӀимил четин я. М. М. Гь. ЧӀехи шаир. Лезги чӀал чи маса гайиди Дидедизни мурдар я. Н. С. ЧӀал. 3) михьи тушир, гьарамнавай, чиркин. Вич мурдарда булахдин яд рагъулна. Е. Э. Шеда зун. Нагагь са затӀ хьайтӀа мурдал, Лугьунин кар жедач адал. С. С. Ай Фекьир, ви келледа гар. Кьей хва Сефик, гьа и мурдар ихтилатар кимел тавуртӀа, жедач вавай, - бейкеф хьанваз лагьана Серкера ва ам къарагъна кӀвализ хъфена. С. Муслимов. ЦицӀигъ-наме
* мурдар кас сущ. пис хесетар квай инсан мурдар хьун гл. недайвал (хъвадайвал) амукь тавун, чиркин хьун, чӀур хьун.
* мурдал хьун гл. чан кумачир гьалдиз атун. Са пакамахъ цуриз фейила, ам мурдал хьайи калел аватна. А. М. Лежбердикайни пуд стхадикай. Синоним: гиликьун.