гл., ни вуж-вуч; -да, -на; -из, -зава; - а || ая, -ин, -рай, - мир; русвагь авун; русвагь тавун; русвагь тахвун; русвагь хъийимир 1) кьарадай ва я маса чиркин затӀунай кьацӀурун. 2) чӀуру намуссуз крар дуьздал акъудна, абурдай вегьин. Ихтибарсуз хьана вун, руш, русвагьна зун хуьруьн къене, Вучиз туна Асефан рикӀ муьгьуьббатдин къабар хьана. Ас. М. Ихтибарсуз хьана. Акъудзавач гъилевай фу: Русвагьзавач куь хуьрнн кӀвал. А. С. Хцихъ галаз ихтилат. - Ваз абур Цавандай тирди ахварай акунани, яда? - мадни цӀай кутазва Даша. - Яз хьайитӀани, садра руш, ганач лугьуз гьар акатай чкадал гьикьван русвагьда на абур, кьарай атӀайди? М. Б. Спелар. Синонимар: русвагь авун, беябурун, тӀвар кьацӀурун, уьзуькъара авун.