сущ.; -ди, -да; -яр, -йри, -йра 1) азардин, тӀалдин таъсир. 2) са вуч ятӀани кьилиз акъудун патал вахт тӀимил авайдан гьисс.
* тади гун гл, ни-куь низ-квез сагъсуз гьалдиз гъун, зайифарун. Назимаз, Айша вучиз атаначтӀа, чидачир. Ада, кӀвачел къарагъна, мекьивили тади гузвайда хьиз, къуьнер агажна. А. А. Умуд, Гьужумдиз физвай штурмовик агъуз эвичӀдайла ва ахпа цавуз хкаж хъижедайла, кьадарсуз агъурвили иллаки кӀвачериз тади гуда. ЛГ, 2004, 26. VӀ. Ӏ.
* тади < кваз > хьун гл., ник са вуч ятӀани кьилиз акъудун патал вахт тӀимил авай гьал гьиссун. Гьа икӀ, тади квачир чавушди хкай чар Къаюмал вад йикъалай агакьна. З. Э. КУТВ-диз фена. Инсандиз уьмуьр ширин я, адак вичик тади квайди туш, гьикьван яргъал яшамиш хьайитӀа, гьакьван кӀан жеда. А. Э. Кьегьал.
* тади квай папа тум квачир гада хада мисал 'тади кваз авур кар бегьемди жедач' манадин мисал. - Ваз хуьруьн советдин председатель лагьай тӀвар тӀимил яни? Тадивилик цӀай акатуй Ваз чидачни, я юлдаш председатель, тади квай папа тум квачир гада хада. З. Э. КУТВ-диз фена.
* тади кутун гл., ни-куь ник вуч ийиз са вуч ятӀани кьилиз акъудун патал гъилевай кӀвалах, гьерекатар фад ийиз тун. Чак акьван тади кутунвай хьи, гьатта тӀуьн недай вахтни тагана, автобусра ацукьай чун аэродромдал тухванай. ЛГ, 2004, 26. VӀӀ.