прил. такӀан тир, кӀан тушир. Хуьре гьар са цӀийи инсан, гьар са цӀийи кар, кесибрин гьар са вилик финиф такӀан тирди хьиз, виликан данарбандикай инсан хьунухьни такӀан тир. А. Ф. Риза. Дуст чиниз, душман кӀвачериз килигдалда. Табагъ шаламар алай адан чӀехи кӀвачери, лацу шалар яна чӀулав кьветӀелар кирсеба алчудна кутӀуннавай кьакьан яцӀу зангарини ам такӀан инсанрик зурзун кутазвай. Къ. Къ. КӀири Буба. Ахпа лугьудай туш зун мусурман, Ажуз инсан я, девлетар тахьай, АцӀай уьмуьрдин няметар такӀан, Гьакимрин патай гьуьрметар такӀан. Б. С. Килигда пака. Багъманчидиз аялар тарариз акьахун гзаф такӀан кар тир ва ам рагъ алай юкъуз чуьхвер тараз акьахнавай гададиз туьгьметариз гъазур хьанвай. А. Р. Чинебан савкьват. Агъамирзедиз Шехьзавай аялрин ванцелай такӀан затӀ авайди тушир. СМ. ЦицӀигъ-наме. Антоним: кӀани.
* кӀани-такӀан.
* такӀан хьун гл. вуж-вуч низ са кас, затӀ, сада ийизвай, арадиз къвезвай кӀвалхар, лишанар кьабулиз тахьун. Душманариз такӀан хьайтӀа, Дустариз на аш ганава. Е. Э. КӀани ярдиз. Гила дуьнья такӀан я, лагь зи ярдиз. Е. Э. Лагь зи ярдиз. Цуьк акъудай чи яйлахра къалгъанар ваз такӀан я. Ш-Э. М. Эхиримжи гафар япухъ галукьайла, Шаперидин гъилевай тарелка тасуниз аватна. Шихшамилаз такӀан хьана. А. А. Лезгияр. Анжах са вич паталди алахънавайдаз халкьдин къайгъуда авайди такӀан жеда. З. Р. Веси. Ватан такӀанзавайдаз хайи дидени кӀанзавайди туш. 3. Р. Веси. Дидедин чӀал хуьн паталди тахай чӀалан гана тарсар, Хайи элдиз такӀан хьайи Инсан акваз кӀанзаватӀа, Зи кӀвализ ша! Л. Н. Зи кӀвализ ша! Антоним: кӀан хьун.