араб, сущ.; -ди, -да; -яр, -йри, -йра 1) театрда артистар къугъуналди къалурзавай драмадин эсер. Секинат, акъваз! Хьсан хьана, вунни зи гъиле гьатна; няниз репетициядиз ша; килиг геж ийимир. Тамаша гьазурна кӀанда. А. А. Умуд. Ваъ, Селминаз гададал ашукь тушир, руш Велимета вич тухузвай тегьердиз, адан амалриз тамашадиз хьиз тамашзава. М. В. Гьарасатдин майдандал. 2) къалмакъал. Умывальникдал къазан запун акур ада кӀвале са тамаша туна: "Пукъацар яз хана -пукъацар яз рекьинни ийида", - секин жезвачир ам. М. Б. «Жигули».
* тамаша авун гл., ни театрда артистар къугъуниз килигун. Икьван гагьди зи паб кьугъвана, куьне тамашаяр авуна, гила куь папар ракъура, абур сегьнеда къугъурай, чна тамашаяр ийин. А. А. Умуд.