араб, сущ.; -ди, -да; -ар, -ри, -ра сада масадаз жуван къанажагьдалди ийидай эсер.
* таъсир авун \[гун\] гл., ни-куь низ-квез сада масадаз жуван къанажагьдалди эсер авун. Абужаферавай акьван крар ийиз хьанач. Ина ичкидини вичин таъсир тагана туначир, вучиз лагьайтӀа Абужафер халу ксай мисикни ичкидиз хвашгелди лугьудайбурукай тир. З. Э. Муькъвел гелер. Чубандихъ, лежбердихъ, гьуьлуьхъ шехьунра вишкан вахтарин лезгийрин уьмуьрдин гзаф таъсир ийидай хьтин шикилар ганва. Гь. Гь. Гашаров. Сифте гаф. Заз зи суалди адаз зерре таъсир тавурди хьиз хьана. Т. А. Мехъер куьтягь тахьанмаз. Эгер инсанриз руьгьдиз, рикӀиз таъсир тийиз хьайитӀа, ам гьихьтин музыка хьурай. ЛГ, 2003, 13. XӀ. Гъавурда акьазвачтӀани, азандин гафари, эфендидин гьайбатлу сесини таъсир тавур кас тунач. Вири майдан секин я. М. Б. ЦӀийи мискӀин. Синонимар: таъсирун, эсер авун, эсерун.
* таъсирдик < кваз > хьун гл., вуж-вуч нин масадан къанажагъдин эсердик кваз хьун. Пуд виш кӀвал авай хуьре анжах коммунистрин ва абурун таъсирдик квай мукьва-кьилийрин ва яр-дустунин са къад аял школадиз кӀватӀ хьана. З. Э. Муькъвел гелер.