араб, сущ.; -ди, -да; -ар, -ри, -ра кӀанивилин гьиссер къалурун патал сада масадан пӀузаррал, хъуькъвел, пелел вичин пӀузарар эцигна кьезилдиз фитӀиндай гьерекат. Минет хьуй, ваз минет... Юзамир, Юзамир. Кьуна кьил Са легьзе, МичӀа вил, Са легьзе. Са легьзе - са герен, Къачун за са темен. Юзамир, Юзамир. М. М. Юзамир. Синоним: пӀагь
* темен гун гл., ни низ са нихь ва я квехъ ятӀани авай кӀанивал, гьуьрмет къалурун патал адав пӀузарар агудун. Тек са темен гана лугьуз, Ви пӀузардал гел жедани? Ф. Жегьил вахтар хкиз рикӀел, Ви кагъаз эцигиз пелел, Гагь темен гуз, ийизва кӀел; Вахъ я зун гьелек, Пакисат. Е. Э. Пакисат. Ахпа са манийвални тийизвай Айисат виниз хкажна къужахламишна, темен гуз кӀан хьана... А. А. Лезгияр. Агьмед къужахламишна адан пелез темен гана. А. И. Самур. Хтанва зун зи стхадиз-лезгидиз Лезги чӀалал лезги салам гун патал. Темен гана дидеди гъир ризкъидиз, им сагълугъай ацӀай бокал хьун патал. А. Ал. Шалбуз дагъ. Лезги итимар са- садахъ галаз гьикӀ гуьруьшмиш жезватӀа, фикир ганани куьне? Са-садан сивиз темен гуда са бязи ксари. Лезгияр патал гьич ухшар аквазвач заз и крар. "Самур" газ., 2002, 21 XӀ. Синоним: пӀагь гун, кӀуф гун..