* тупӀал кал сущ. дана тахьана нек гун давамардай кал. Иеси кьей тупӀал калер Куьн кӀватӀ жедай кун чида квез. С. С. Куьреда авай аламатар.
* тупӀал фекьи сущ. дерин чирвал авачир фекьи. ТупӀал фекьи Дадаш цлан кӀаневай кӀарасдин кьилел, са шумуд агъсакъални галаз хкатна хьиз, ацукьнавай. А. Ф. Газет. Секне чӀул хьиз ярх хьана РакӀарив гвай рухунал. На лугьуди чӀар кана, Вири мягьле кӀватӀ хьана, Гьатта тупӀал фекьини Кьуръан хъуьчӀуьк кутуна. А. Ал. Мирдамир. Гьар гьикӀ ятӀани, лезгийрихъ Бакъарей Бакъурай лугьуз, са тупӀал, амма зурбаз машгьурвал къазанмишай шаир хьана. 3. Гергерви. Бакъарей Бакъураякай нагъил. Гьа инлай тупӀал музыкантарни, манидарарни, композиторарни, шаирарни майдандиз акъатнава ва абуру къе девранни гьалзава. ЛГ, 2004, 30. ӀХ.