сущ.; -ди, -да; -ар, -ри, -ра 1) ачухдал малар язавай чкадиз ракӀарин ериндал ишлемишзавай яцӀувал квай яргъи кӀарасрикай са тадарак. Жемятар паяяр, лашар, турвакьар, вагьрамар гваз атана, жанавур гатана-гатана кьена. Ф. Зиянкар жанавур. Буйдиз я турвакь, амалриз - шувакь, Жумартвилиз - ракь, шкьакьвилиз - кьакь, АтӀуй вичин тӀакь, акунай нагьакь. М. Ж. Буйдиз я турвакь... 2) варар агалун патал гьаятдин къенепатай ракӀинин гьяркьуьвилихъди вегьедай кӀарас. Угърийри чуьнуьхайдалай гуьгъуьниз, турвакьар мягькем авуналди, лам гьат хъийин тийидайди чаз лап хъсан чизва. ЛГ, 2004, 26. VӀӀ. 3) куьч. кьакьан, амма акьулдиз зайиф кас. Чеб чанда къуват авай турвакьар я, амма кьве гъил къакъажна кӀвалах авуник абурун хев аслу квач. З. Э. Кек галкӀизва.