туьрк, сущ.; -ди, -да; -ар, -ри. ~ра машгъулат патал, хъуьруьн патал ийидай манасуз гьерекат(ар), кӀвалах(ар). Алатай крар тикрар хъувунихъ метлеб авани? Хьайи крар, уюнар, кьуьруькар а рушан рикӀилай фадлай алатнава. Къ. М. Урусатдин цуьк. Амма за вилериз абуру чидай уюнар туш. Гь. М. Им къван, имни терез. Паб, им гьина аватӀани Гьажимурадан уюн я! С. Муслимов. ЦицӀигъ-наме. Килиг, ахпа геж жеда, Вун амукьда чухваз кьам. Пашман жеда уюндал, Къачуз тежез вилик кам. Ш. Т. А зарафат амай туш. Синоним: кьуьруьк.
* уюн(ар) акъудун авун нугъ. \] гл., ни нин кьилел, низ фикирдани авачир са кар авун. Шичан бике тӀеквендиз гьахь хъувурла, манияр лугьуз адахъ галаз уюнар акъудун зи квез герек тир 1. Ф. Шичан бике. - АкӀ ятӀа, лагьана руша, чна са кар ийида, пачагьдиз чна са уюн акъудда. Ф. Гьуьлуьн руш. \[Наси\] Акъваз садра, за а Дон-Жуанан кьилел вуч уюн акъуддатӀа аку! Хуьре закай фитнеяр чукӀурунни гьадан кар я. Ш- Э. М., А. Р. Фундугъбег. Эхиз чида, ракъини кудайла, Чуьнуьх жеда авайла чайгъунар. Бирдан гъиле гьатна лаш гудайла, Акъудда са виш жуьре уюнар. А. С. ВетӀер. Нагагь ихьтин са уюн Шахмарданован кьилелни ийиз хьанайтӀа, ажаиб кӀвалах жедачирни! А. А. Лезгияр.
* уюн-буюн тавуна нар. икӀ-акӀ лугьун тавуна, ахпадал-пакадал вигьин тавуна.