араб, сущ.; -уни, -уна; -ар, -ари, -ара са вуч ятӀани арадал гъун патал серф. КӀвал ада эцигна, харжарни тӀимил акъатнач. Шоферди садбурувай рекьин харж къачузва, садбуруз багъишзава. Н. М. Буба. Синоним: расход. 2) куьгь. налог. Адан ( хандин. - А. Г.) мулкунал алай инсанар харжари лап къекъверагвиле туна. А. Р. Къаних вил. Синоним: гьакъи.
* харж авун гл., ни вуч жуваз авай затӀ са вуч паталди ятӀани гана жуванди яз амачир гьалдиз гъун. Абуру, - «калериз гьа авай тевлейрани чими я, акӀ хьайила колхоздин пул вучиз харж авун лазим я», - лугьузвай. А. Шагьмарданов. Майишатдиз регьбервал гуникай веревирдер. Чи патара мехъеррик, межлисра харж ийидайбур сад-вад кас я. С. Ярагъви ашукь Уьзден. Синонимар: расход авун, серф авун, харжун.
* харж-харабат сущ. са вуч ятӀани къачун патал, са кар кьилиз акъудун патал гудай пул, такьат. ЦӀапни кӀан жеда балкӀан кӀанидаз, Харж-харабатни -мугьман кӀанидаз.. И. Гь. Рубаияр.. Иниз [гьяждиз. -А. Г.] гьар са кас еке харж-харабат акъудна, четинвилер, азабар эхна Аллагъдивай гунагърилай гъил къачун, женнетда чка гун ва чпин мукьва-кьилийриз, майилар авай инсанриз регьятвилер гун ва гьабурун гунагьрилайни гъил къачун патал къвезвайди я. Ж. Мурадалиев. Гьяж.
* харж хьун гл., вуч нивай жуваз авай затӀ са вуч паталди ятӀани гана жуванди яз амачир гьалдиз атун. Къадиравай калин кьилел вахкай пуларни харж хьана куьтягь хьана. А. Ф. Бубадин веси. И кар чир хьайила, кассирди, директордихъни главбухдихъ галаз меслят авуна, пул, къул чӀугваз туна, зи Бикедив вахкана ва гьеле, пул харж жедалди, заз и кардикай талагьун тагъкимарна. А. М. Мурк ракъини цӀурурда. Синоним: расход хьун.