|| ЧИРХ сущ.; -ини, -ина; -ер, -ери, -ера куьчедин чил дуьзарун патал ана твадай кукӀварнавай куьлуь къванер. Куьчеярни хъсандиз гьяркьуьзвай. Чиргъ вегьена туькӀуьрнавайтӀани, ара-ара фирягь лекъверни гьалтзавай, анрай мукъаятдиз къекъвена кӀанзавай. Я. Я. Са фурун вакӀар.... дагъдин кӀане кукӀвар хьанвай рагарикайни къванерикай хкат хъувуна, чарчаррин ятар лацу чиргъера санал кӀватӀ хъхьана. А. Къ. Нехирбанни лекь. КӀвалин гьаят, рагъ гьатна, экв алаз аквазвай, чиле тунвай лацу чиргъеривай а экв артух жезвай. А. Къ. Нехирбанни лекь. Булахдик патавай кӀвал галайвал шуькӀуь рехъ фенвай. Анани, Тенфе бадедин гьаятда хьиз, лацу чиргъ тунвай. А. Къ. Нехирбанни лекь. Амма а шуькӀуь гардан я накьв, я шим тушир, ам гьа кьилеллай къванцелайни мягькем затӀ тир. Цементламиш хьанвай хъипи чиргъ. Гь. М. Хаяр. Алай вахтунда чкадал 250 тонн битум, мазут, чиргъ ала. ЛГ, 2004, 15. VӀӀ. ☼ Б. Б. Талибова чиргъни чирх са манадин гафар яз ( кил. Б. Т., М. Г. ЛРС. ), Р. И, Гьайдарова - кьилдин гафар яз ( кил. ЛЧЮС 2001 ), М. М. Гьажиева - анжах чирх къалурзава ( кил. М. Г, РЛС, ч. 143 - гравий). Чал гьалтай кхьинра анжах чиргъ ава. Винидихъ гъанвай текстерай аквазвайвал, авторри чиргъ ва чирх чара ийизвач.