прил. 1) пата-къерехдихъ фидай. Ада вун, шеври кицӀ хьиз, кӀваляй чукурда. А. А. Пад хьайи рагъ. 2) жуван паб ва я итим бегенмиш, амачиз, масадахъ галаз алакъайра авай. Шеври папа вичин кӀвал чурда. Р. Синонимар: паж, пата вил авай, къагьбе, чалкечир., шеври, ява. 3) куьч. михьи тушир, чиркин, шит. - ХунупӀ вуч лагьай чӀал я? Яда, лугьудайла, вун просвещенидин инспектор я. А ви сиве авай шеври гафар вучтинбур я? Ам вавай чара хьана, хъфена. З. Э. Арифдиз ишара,
* шеври хьун гл. 1) пата-къерехдиз физ хьун. Шеври хьайи кицӀи иеси кьада. Р. 2) жуван паб ва я итим бегенмиш амачиз, масадахъ галаз алакъайра хьун. Гагь ада Лукьман суддиз вугана аялриз алимент къачузва. Гагь, Лукьман рекьяй акъатнава, ада зун ва аялар гвадарнава; ам шеври хьанва лугьуз. обкомдиз арза кхьизва. Гагь ам вичин регистраци алудун патал суддиз физва. З. Э. Рамзият;, - Шеври жез зун ваз къунжух туш. Зи зегьметдин гьакъи я. А. А. Лезгияр. Синонимар: шеври хьун, ява хьун.