* эх(и) авун гл., ни вуж. вуч, вуч авун са вуж-вуч ятӀани ва я са гьихьтин ятӀани хьайи ва авур кар секиндиз кьабулиз хьун, адаз фикир тагун. И гьалари къазундай Магъамадан рикӀ, Абур сакӀани рикӀи тийиз эхи. А. Ф. КьатӀ-кьатӀ авур зунжурар. Завайни и пачагьлугъдин векилрин гужар эхи ийиз жезмач. С. Ярагъви ашукь Уьзден. Бандитар ва абурун гъилибанар эхи тавунин гьалар арадал гьин, уяхвал вини дережадиз хкажин. ЛГ, 2005, 21. VӀӀ. Синонимар: эхун, дурум гун, къатламишун, таб гун.
* эх(из) хьун гл., нивай вуч са вуж-вуч ятӀани ва я са гьихьтин ятӀани хьайи ва авур кар секиндиз кьабулиз, адаз фикир тагуз алакьун. Жувавай эх тежер тӀалар зи патаз на куьз ракъузва? М. М. Им вуч регъв я? Зун тахтунлай авудмир, Завай и кар эх жедач. М. М. Зун цаварай атанва.