туьрк, сущ.; -ди, -да инсандин кьакьанвал-аскӀанвал. Нурмет 30 йис хьанвай, кьакьан буйдин, дили амалрин, дамахар, фурсар гвай гада тир. А. Ф. Газет. Куьчедин кьулай агъуз итимар, папар алтӀушна тфуяр вигъиз, кьилел къванер Гьалчиз, юкьван буйдин, чӀулав парталар алай са дишегьли тухузвай. А. Ф. Лянет. Магьмуда лугьудай: душмандин вилик митӀерал акъваздалди, Тамам буйдивди тӀарам акъвазна къиникь хъсан я. 3. Э. Куьгьне кавхаяр пӀуртӀ. Мад чуьнуьхна вучта? Гъуьлуьз къуншидин шумал буй, гуьрчег чин, гуьзел сес гзаф бегенмиш тир. 3. Э. Пата вил авайди. - Зи кӀанидан буй аку гьа! А. С. Керима кӀвачел къарагъна, зирхал ятӀани, дуьм-дуьз гьа вичиз кьван кьакьан буй атанвай гададин гъил кьуна. Б. Гь. Заз эвера.
* буй вегьин гл., ни кьакьанвилихъ яргъи хьун.
* буй-бухах сущ.; винел патан гуьрчег акунар. Гуьзел яр, вун шемчирагъ я, Битмиш хьайи таза багъя, Зулейхадин буй-бухах я... Е. Э. Къудратлу кар. Ви буй-бухах акур кьванбур гъейран я... Е. Э. Багьалу яр. Хьана хъи зи рикӀ вал ашукь, Ви буй-бухах, акурла юкъ. А. Гь. Ярдиз. Агаж хьанватӀани, ишигъ амай адан вилери са геренда гададин буй-бухах алцумна. Б. Гь. Заз эвера. Къафлан Шайдабегович Хидировахъ хъсан къаш-къамат, буй-бухах, кӀвалахда виниз тир нетижаяр къазанмишдай алакъунар хьиз, яр-дуствилиз вафалувилин къилихарни авай. Г. Ханов. Абадвални агьваллувал патал.
* буйдин гуьзгуь сущ. килигзавайдаз вичин буй вири аквадай гуьзгуь. Бубади ваз буйдин гуьзгуь къачуда. Р.
* шумал буй.