араб, сущ.; - ди, -да; -ар; -ар, -ри, -ра авур кардикай, лагьай гафунякай хъсан патахъ жезвай артуханвал. Хиял мийир, са менфятни авачаз, гьакӀ арадай квахьдайди туш хъсанвал. Е. Э. Дуванбегдиз. Махсуда: таавун комитетдин везифайрикай ва адакай халкьдиз авай менфятдикай доклад авуна. З. Э. Муькъвел гелер. Синоним: хийир.
* менфят гун гл., ни-куь низ-квез авур кардикай, лагьай гафуникай хъсан патахъ жезвай артуханвал авун. Жегьил писателрин яратмишунин кӀвалах вилик тухунин карда «Дуствал» алъманахдин критикадинни библиографиядин месэлайриз талукь яз акъудзавай гьар са статьяди писателрин, иллаки жегьил писателрин яратмишунин кардиз еке менфят гуда. А. С. Жегьил шаиррин яратмишунин бязи месэлайрикай. И жуьреда са къуйдин буругъар эгъуьнилай Темирханое вахт кьенятдай ва менфят гзаф гудай кьве къуйдин, кирсеба къуйрин буругъар эгъуьнал элячӀна. З. Э. Социалист Зегьметдин Герой Темирханов.. Вагьабаз гьепе вичин беденда виридаз менфят хгудай такьат амайди хъсандиз чизвай. М. В. Гьарасатдин майдандал.
* менфят къачун гл., ни никай-квекай авур кардикай, лагьай гафуникай хъсан патахъ артуханвал жедайвал авун. Чна лугьузвай гафар урус чӀалай лезги чӀалаз атай, виридаз чидай гафар туш, лезги чӀала ишлемиш тийир, амма шаирди вичин шиирра чпикай менфят къачур „мука", „кругом", „знаком", „масло", „огонь" ва масабур хьтингафар я. М. М. Гь. СтӀал Сулеймана азербайжан чӀалал туькӀуьрай шиирар. Сулеймана вичин лезги шииррани са кьадар дуьшуьшра шиирдин текстдай кьатӀуз хъижедай бязи гафар ахъаюнин къайдадикай менфят къачунва. М. М. Гь. СтӀал Сулеймана азербайжан чӀалал туькӀуьрай шиирар Сулейманани и карда вичин устадвиликай, тӀебиатди вичиз ганвай паюникай менфят къачуналди вичиз аквазвай, вичин бейнидиз таъсирзавай инсанрин гьакъикъи суьретар викӀегьдаказ шиирралди гуз хьана. А. Гьажимурадов. ЧӀехи шаир. Абдулкъадирован къайдадикай менфят къачуна, кӀарабдин мефт дегишаруниз талукь яз хейлин клиникайра агъзурралди опевацияр авунва. ЛГ, 2003, 13. ХӀ.