урус, сущ.; -ди. -да; -яр, -йри, -йра СССР-да 1986-1991 йисара политикадин, экономикадин, идеологиядин ва къецепатан уьлквейрихъ галаз авай алакъаяр дегишарун патал кьиле фейи серенжемар. - Яргъалди юкӀвар-чипӀер яна, эхцигиз, хкудна, цӀудра алцумна, садра хкатӀна, уьлкведа кьиле физвай перестройкадихъ галаз алакъалу яз, майишатда цӀийивилер тваз алахънавай совхоздин директор Севзихана собранияр цӀийи жуьреда тухудай къарар кьабулна. А. Фет. Кьерен къванер. Вирида фикирзавай: межлисризни перестройкадикай менфят къачун хъсан ятӀа? А. Фет. Кьерен къванер.