Поиск по словарям.

Akkordeon (fr. accordéon) — klavişli musiqi aləti. Bu adı alətə 1829-cu ildə vyanalı orqan ustası K.Damian qarmonu təkmilləşdirdikdən sonra verib. XIX əsrin sonlarında akkordeonlar çox sayda Saksoniyanın Klingentel şəhərində hazırlanırdı. Ən tanınmış markalar "Weltmeister" ( Diana, Stella, Amigo markaları), "Horch", "Hohner", "Берёзка", "Меркурий" və s. Oxşarlığa baxmayaraq piano ifaçısı akkordeonda çalmağı ayrıca öyrənməlidir. Bəstəkar Yan Tyersen xüsusi olaraq akkordeon üçün musiqi bəstələyib. == Tarixi == Akkordeonun primitiv formasının 1822-ci ildə Berlində Kristian Fridrix Lüdviq Buşman tərəfindən icad edildiyi güman edilir. Lakin bu yaxınlarda məlum oldu ki, akkordeon adlandırıla bilən alət 1816-cı ildə və ya ondan əvvəl Nürnberqli Fridrix Lohner tərəfindən istifadə edilmişdir. Akkordeonun adının ilk patentini 1839-cu ildə Vyanalı orqan və fortepiano ustası Cyrillus Demian indiki akkordeona çox da bənzəməyən tək klavişli kiçik alət üçün almışdır.

Accordéon Mélancolique — Çerri de Burvə Jan-Pyer Qayrana tərəfindən yaradılmış Niderland musiqi qrupu. Duet qrupu 1984-cü ildə yaradılmışdır. 1997-ci illdə onlar Bil və Hilari Klintonun, Holland taxtının vərəsəsi şahzadə Aleksandr Üillem və Niderland Krallığının keçmiş baş naziri Üim Kok-un iştirak etdiyi Marşal planının 50-ci ildönümünə həsr olunmuş tədbirdə çıxış etmişlər. Onların ilk albomu (L’imparfait du Coeur) 1998-ci ildə buraxılmış və 1999-cu ildə İsveç jurnalı Dragspels Nytt tərəfindən həmin ilin ən yaxşı akordeon albomu seçilmişdir. Bununla əlaqədar olaraq Accordéon Mélancolique 2000 və 2003-cü illərin yay aylarında İslandiya v Danimarkadakı bir çox festivalda uğurlu çıxışlar etmişdir. İndiyə qədər qrupun 7 albomu buraxılmışdır. Qurpun musiqisi həm də kitab şəklində çap edilmişdir. == Üslubları == Qrup orjinal bəstələr ifa etməyə davam edir. Qrupun musiqi mənbəyi fransız akkordeon musiqi ən-ənəsindən, fransız musette valsından, italyan və yunanıstan xalq mahnılarından, Antil valsından, İndoneziyanın kronchong musiqisindən, klassik musiqidən, merenj və teks-meks musiqisindən qaynaqlanır. Qrupun yaradıcılığındakı əsas mövzu musiqidə sakit notun rolu üzərinədir.