POLİKLİNİKA

Naxçıvan Şəhər Poliklinikası, akademik Z. Ə. Əliyeva adına — tibb müəssisəsi. 1922-ci ildə Naxçıvan şəhər xəstəxanası nəzdində ambulatoriya kimi fəaliyyətə başlamışdır. 1936-cı ildən həmin xəstəxana yanında poliklinikaya çevrilmişdir. 1985-ci ildən A. Cəlilov küçəsində tikilmiş yeni ixtisaslaşdırılmış binada yerləşir. Poliklinikada cərrahiyə, rentgen şöbələri, I-II terapiya şöbəsi və kabinələri, stomatologiya, oftalmologiya, lor, nevrologiya, fizioterapiya, laboratoriya kabinələri, profilaktika-müayinə və yeniyetmələr kabinələri fəaliyyət göstərir. Azərbaycan Respublikasının Prezidenti Heydər Əliyev 1999-cu ildə Naxçıvan Muxtar Respublikasını 75 illik yubileyi ilə əlaqədar Naxçıvanda olarkən poliklinikaya gəlmiş, onun işi ilə tanış olmuşdur. 1999-cu ildın akademik Zərifə Əliyevanın adınadır. Burada onun həyat və fəaliyyətini əks etdirən muzey yaradılmışdır.