Mehrimah Sultan (I Süleymanın qızı)

Mehri-i Mah Xanım Sultan خرم سلطان
Doğum tarixi	təq. 1522
Doğum yeri	Konstantinopol, Osmanlı imperiyası
Vəfat tarixi	25 yanvar 1578
Vəfat yeri	Köhnə Saray, Konstantinopol, Osmanlı imperiyası
Dəfn yeri	Sultan Süleyman türbəsi
Həyat yoldaşı	Rüstəm Paşa
Uşağı	Ayşə Hümaşah Sultan
Atası	Sultan Süleyman Qanuni
Anası	Xürrəm Sultan
Vikianbarda əlaqəli mediafayllar

Mehrimah Sultan — Sultan Süleyman Qanuni və Xürrəm Sultanın qızı. 1522-ci ildə anadan olub. 1539-cu ildə Rüstəm Paşa ilə evlənib. 1566-cı ildə atası öldükdən sonra kiçik qardaşı II Səlim taxta çıxır. Həmin dövrdə anası Xürrəm Sultan artıq vəfat etdiyinə görə qardaşı üçün Validə Sultan rolunu oynamışdır.

Mehrimah Sultan həyatı boyunca dövlət işlərində söz sahibi olub. Anası Xürrəm Sultan kimi Polşa kralı II Sigizmund Avqustla yazışmalar aparıb. 1540-1548-ci illər arasında Memar Sinan İstanbulun Üsküdar səmtində məscid, mədrəsə, ibtidai məktəb və xəstəxanadan ibarət olan böyük bir külliyyə inşa etdi. Ayrıca 1562-1565-ci illər arasında yenə Memar Sinan İstanbulun Ədirnəqapı səmtində məscid, bulaq, hamam və mədrəsədən ibarət olan Mehrimah Sultan məscidini inşa etdi.

Mehrimah Sultan 1578-ci ildə qardaşı oğlu III Muradın səltənəti dövründə öldü və atası I Süleymanın Süleymaniyyə məscidindəki türbəsində atasının yanında dəfn olundu.

Həmçinin bax

• Mehrimah Sultan məscidi (Üsküdar)