Zoya Namzıray Aldınoolqızı

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Zoya Namzıray Aldınoolqızı
Doğum tarixi 7 sentyabr 1941(1941-09-07)
Vəfat tarixi 29 iyun 2010(2010-06-29) (68 yaşında)
Fəaliyyəti şairə, yazıçı
Əsərlərinin dili Tıva dili

Zoya Namzıray Aldınoolqızı (tuvaca: Намзырай, Зоя Алдын-ооловна , d. 1 sentyabr 1941) – tuvalı şair, Tıva Respublikası Yazıçılar Birliyinin üzvü.[1]

Həyatı

7 sentyabr 1941-ci ildə Tuvanın Barıın-Hemçik bölgəsində Şekpeer məntəqəsində çoban ailəsində anadan olmuşdur. Atası Kuular Namzıray Dajı-Serenoğlu, anası Çançıvaa Dongak Dondukqızı – Tuvanın ilk ağır sənayesi olan qızıl mədənlərinin ilk işçilərindən idilər.

1957-ci ildə Qızılmajalıq orta məktəbinin VIII sinfini bitirib, o dövrki adı ilə Tuva Muxtar Oblastının Mədəniyyət Nazirliyi tərəfindən açılmış kitabxanaçılıq kursunu bitirmişdir. 1958–1961-ci illərdə Barıın-Hemçik bölgə komitəsi kitabxanasında, 1961–1962-ci illərdə Bay-Haakın bölgə kitabxanasında işləmişdir. Kanskinin Kitabxana Peşə Məktəbində təhsil almışdır. Daha sonra Qırmızı Müəllim İnistitutunda Tuva dili və ədəbiyyatı fakültəsində assistantlıq etmişdir. Dünya Teatr Cəmiyyəti kitabxanasında, Tuva nəşriyyatında işləmiş, 1998-ci ildə təqaüdə ayrılmışdır.

Şeirlərinin ruscaya tərcümə edilmişləri "Ogonok", "Drujba narodov", "Pioner" jurnallarında, "Ulug-Hem" almanaxında dərc olunmuşdur.[2] Onun əsərlərindən monqol, yakut, buryat, qazax dillərinə tərcümə edilənlər müxtəlif jurnal və kitablarda nəşr edilmişdir. Tuva yazıçılarının "Poeti Slavyat Tuvu" adlı şer kitabında "Sayan dağları" və başqa şeirləri yer almışdır.[3] Müxtəlif medal və mükafatlara layiq görülmüşdür.

Əsərləri

  1. Şonçalay (1976),[4]
  2. Duruyalıg-Şöl (1986),
  3. Ayak heelig Tıva çurtum (1994).
  4. Kazılgannıñ ökpeñ çeçee (Казылганның өкпең чечээ). (2008)[5]

Həmçinin bax

İstinadlar

  1. ↑ "Zoya Namzıray Aldınoolqızı". tuvacheleesh.ru. 29 iyun 2020 tarixində arxivləşdirilib.
  2. ↑ Kombu, Saylıkmaa (2012). Tuvinskaya Literatura Slovar (Tuva Edebiyatçılar Sözlüğü). səh — 172–174.
  3. ↑ "Научная библиотека". tuvsu.ru. 26 noyabr 2014 tarixində arxivləşdirilib.
  4. ↑ "Zoya Namzırayın Şonçalay əsəri". tigi.tuva.ru. 29 noyabr 2014 tarixində arxivləşdirilib.
  5. ↑ "Kazılgannıñ ökpeñ çeçee". lrd63.narod.ru. 2015-04-16 tarixində arxivləşdirilib. İstifadə tarixi: 29 iyun 2020.
Mənbə — "https://az.wikipedia.org/w/index.php?title=Zoya_Namzıray_Aldınoolqızı&oldid=7131771"